13 oC 
Güneşli
Digel astengiyan, lêgerîn û qedexeyên ketinê jî, bi deh hezaran kes ji hemû astengiyên rejîma îşxalker derbas bûn û nimêja înê li Mizgefta Eqsayê kirin.
Astengiyên rejîma îşxalker, lêgerînên tund ên li ber derî û qedexeyên ketinê nekarîn biryardariya Filistîniyan asteng bikin. Ji îro sibê ve, tevî hemû astengiyan, bi deh hezaran kes ber bi Mizgefta Eqsayê, dilê Qudsê ve herikîn.
Li dora Mescîda Eqsayê gelek xalên kontrolê û barîkatan hatibûn danîn û li hin deriyan rêzên dirêj çêbûbûn. Ciwan, jin, kal û pîr û zarok, tevî zilm û zordariya rejîma îşxalker, bi saetan li bendê man û gihîştin cihê pîroz.
Tevî hemû zehmetiyan jî, hewş zû tijî bû û bi deh hezaran kes beşdarî nimêja înê bûn. Filistîniyan tekez kirin ku parastina Mescîda Eqsayê li dijî hemû pêkanînên dagirkeriyê wezîfeyekî dînî û neteweyî ye.
Ev dîmenên ku her roja Înê li Qudsê diqewimin, careke din biryardariya Filistîniyan tevî polîtîkayên zordar ên li dora Eqsayê nîşan dan. (ÎLKHA)
Hişyariya Zagonî: Mafên tamamê vîdyo, wêne û xeberên nivîskî yên ku hatine weşandin aîdî Ajansa Nûçeyan a Îlkê ya Şîrketa Hevpar e. Heta ku hevpeymana nivîskî an jî abonetî neyê kirin bi tu sûretî temamê an jî qismekî fotograf, vîdyo û xeberan nikare bên bikaranîn.
Îşxalerkerên ku ji êvarê ve li dijî Xezze, Refah û Xan Yûnisê bomberdmanan dane destpêkirin, gelek avahîyan hilweşandin.
Rejima sîyonîst ji êvarê ve li Şerîaya Rojavayê êrîşî gelek bajaran kir, gelek ciwanan desteser kir. çeteyên Cihûyî jî êrîşî cotkarên Filistînîyan kirin û nehiştin ku erdên xwe bajon.
Wezîr Enes Xettab, daxuyand ku di sazîyên ewlehîyê ya di bireveberîya nû de ew ê nûkirinên tund werin kirin, îxlalên li herêmên sehlê jî werin tehqîqatkirin û di operasyonên li dijî DAÎŞê de gelek navên muhîm hatin binçavkirin.
Pakistan û Efxenistanê, dîsa şeva înê bi gulereşandina ji hev re ketin nav gengeşîya sînorê. Rayedarên herdu welatan jî, daxuyandin ku ji ber gulereşandinan mirî çênebûne.
