Emîrtîya Îslamî ya Efxenistanê, ku ji rizgarbûna welat ji îşxalê ve têkoşîneke mezin li dijî maddeyên hişber daye, berdewam dike ku tiryakfiroşan ji nû ve perwerde bike û wan bi malbatên wan re bîne cem hev.

Hat ragihandin ku 200 kesên ku li wîlayeta Heratê ya rojavayê Efxenistanê bi tiryakbûna maddeyên hişber re têdikoşin, bi tevahî baş bûne û gihîştine malbatên xwe.

Mewlewî Heyatullah Rûhanî, serokê Rêveberîya Têkoşîna li dijî Maddeyên Hişber a Heratê, got ku kesên ku ji tiryakê rizgar bûne, berî ku bi malbatên xwe re werin cem hev, bernameyeke sê-mehî ya dermankirin û rehabîlîtasyonê derbas dikin.

Rûhanî got ku di hefteya borî de 288 kesên din ên ku tiryakê bikar tînin hatine tespîtkirin û ji bo dermankirinê bo navendeke rehabîlîtasyonê ya li Heratê hatine veguhastin.

Hikûmeta Efxenistanê, wekî beşek ji destpêşxeriyeke berfireh ji bo jiholêrakirina tiryakê, çandina haşhaş û bazirganiya maddeyên hişber qedexe kirîye.

Talîbanê, ku Efxenistanê kontrol dike, di Nîsana 2022an de qedexeya çandina haşhaş û hilberîna hemî narkotîkan ragihand. Ji wê demê ve, bi saya hewldanên biryardar ên rayedaran, çandina narkotîkê hema hema ji holê hatiye rakirin. (ÎLKHA)