HAMAS: Rejîma sîyonîst dixwaze li ser Şerîaya Rojava kontrola xwe ya tam ava bike
Hamasê destpêkirina wêrankirina 61 donim erd li gundê Merda, bakurê Selfîtê, ji aliyê rejîma sîyonîst ve wekî "merhaleyek nû ya planên desteserkirina erd û cihûtiyê" bi nav kir.
HAMAS wêrankirina nêzîkî 61 donim erd li gundê Merda, bakurê Selfîtê, bi alavên înşaetê ji teref rejîma sîyonîst ve wekî "gaveke nû ya desteserkirin û Cihûtkirinê" bi nav kir.
Abdurrahman Şadîd, yek ji rêberên tevgerê, di daxuyaniyekê de diyar kir ku hikûmeta rastgir a tundrew a rejîma sîyonîst bi armanca kontrolkirina tevahî ya Şerîaya Rojava gav bi gav planeke berfireh a tecrîd û îlhaqê pêk tîne.
Şadîd tekezî li ser metirsiya mezin a zêdebûna terorîzma niştecihbûnê û wêrankirina axê li herêmê kir, û got ku ev kiryar êrîşeke eşkere li ser ax û gelê Filistînê pêk tînin.
Rêberê HAMASê destnîşan kir ku erdên çandiniyê yên ku têne wêrankirin çavkaniya sereke ya dahatê ne ji bo bi sedan malbatên li gundê Marda. Wî diyar kir ku wêrankirina van erdên nîşan dide ku wêrankirinek sîstematîk li ser avahiya aborî û jîngeha xwezayî ya herêmê tê kirin.
Şedîd diyar kir ku gelê Filistînê dê axa xwe bernede û teslîmî polîtîkayên zordar ên rejîma siyonîst nebe, û bang li saziyên herêmî, rayedarên fermî û hêzên gel kir ku li dijî van pêkanînan di asta qanûnî û meydanî de berxwedanek xurttir organîze bikin.
Şadîd her wiha bang li civaka navneteweyî kir ku bi lezgînî tedbîran bigire û diyar kir ku divê polîtîkayên niştecihbûnê yên ku ji hêla rejîma siyonîst ve têne meşandin werin rawestandin û li dijî pêkanînên "faşîst" ên dagirkeriyê helwestek zelal were girtin. (ÎLKHA)
Hişyariya Zagonî: Mafên tamamê vîdyo, wêne û xeberên nivîskî yên ku hatine weşandin aîdî Ajansa Nûçeyan a Îlkê ya Şîrketa Hevpar e. Heta ku hevpeymana nivîskî an jî abonetî neyê kirin bi tu sûretî temamê an jî qismekî fotograf, vîdyo û xeberan nikare bên bikaranîn.
Dîmenên ku serokê nû yê serwîsa îstîxbarata derve yê rejima sîyonîst Mossadê Romen Gofman ku di 7ê Cotmeha 2023yan de ji Tûgayên Qessam direvîyabû dîsa bû rojev. Vîdeoya ku hat avêtin di nav îşxalkeran de bû sedema nîqaşên mezin
Hat diyarkirin 100 xwendekarên ku ji wîlayeta Nîjerya Nîjeryayê hatibûn revandin gihaştine malbatên xwe.
Yek ji serokên Hamasê Tahîr el-Nûnû, destnîşan kir ku ew ji agirbestekî demdirêj re amade ne, wî îfade kir ku ew ê berxwedan çêkê xwe ji cebilcaneya fermî ya dewleta Filistînê ya nû were damezrandin re teslîm bike.