Wezîrê Karên Derve yê Rûsyayê Lavrov diyar kir ku şandeyên Rûsya û Emrîkayê wê di 27ê Sibatê de li Stenbolê bicivin û xebatên balyozxaneyan binirxînin.

Heyetên Emrîka û Rûsyayê ku herî dawî di 18ê Sibatê de li Riyada paytexta Erebîstana Siûdî hatin cem hev, dê sibê li Stenbolê bicivin.

Wezîrê Derve yê Rûsyayê Sergey Lavrov ragihand ku şandên Rûsya û Emrîkayê dê di 27ê Sibatê de li Stenbolê bicivin û li ser karê balyozxaneyan gotûbêj bikin.

Lavrov diyar kir ku şandeyên Emrîka û Rûsyayê dê sibê li ser mijarên xebatên balyozxaneyan bicivin û  weha got, "Ev civîn dê sibê li Stenbolê bê kirin. Me ragihandibû ku dîplomat û pisporên me yên payebilind dê bicivin û mijarên girêdayî nerehetiya karê Balyozxaneya Emrîkayê ya li Moskowayê, ku encama kiryarên neqanûnî yên rêveberiya berê ya Emrîkayê ji bo çêkirina astengiyên sûnî li ber xebatên Balyozxaneya Rûsyayê bûn û me bi awayekî xwezayî bersiva wan da."

Wezîrê Karên Derve yê Rûsyayê Lavrov di salvegera sêyemîn a Şerê Rûsya û Ûkraynayê de di 24ê Sibatê de serdana Enqereyê kiribû û bi Serokomar Erdogan û Wezîrê Karên Derve Fîdan re hevdîtin kiribû.

Lavrov piştî hevdîtina bi Wezîr Fîdan re di daxuyanîya xwe de weha got, "Me li hev kir ku rêyên me yên diyalogê yên bi Emrîkayê re her tim vekirî bin. Ji bo ji nû ve destpêkirina xebatên balyozxaneyan em ê gavan biavêjin. Hefteya borî du hevdîtinên di asta teknîkî de hatin kirin, vê hefteyê jî dê hevdîtinên berfireh bên kirin. Hêvîdarim ku em bi Emrîkayê re bi astengên demokratîk rastê hev nebin." (ÎLKHA)