Wezîrê Daristan û Çandinîyê Îbrahîm Yumakli, destnîşan kir ku xebatên tespîtkirina felaketa şewatê dawî bûye, di encamê de bi hezaran pez telifîne, nêzê 15 hezar donim erdên çandinîyê jî şewitîne.
Ji teref Wezîrê Daristan û Çandinîyê Îbrahîm Yumakli ve hat diyarkirin ku xebatên tespîtkirina zayîdên felaketa şewatê ya li Dîyarbekir û Mêrdînê dawî bûye.
Yumakli li ser hîsaba xwe ya medyaya civakî daxuyand, ji bona ku xebatên tespîtê bê kirin ji herêmê re ekîb hatîye şandin û ekîb xebatên xwe dawî kirine.
924 heywan telef bûn, 14 hezar û 900 donim erdê çandinî jî şewitî
Yumakli derheqê şewatê de ev agahîyê da:
“Li Dîyarbekirê, li gundên Tobîn, Baxcax, Herberê û Bodikana Çinarê 7 hezar û 900 donim erd şewitîye, ji vana jî 6 hezar û 789 dekarê wî erdê prêze, 1111 dekarê wî jî erdê ku hêj genim di nav de bûye ne. Xeyn ji vana traktorekî û 14 heb tesîsên avdanê jî şewitîne. Li gundê Tobînê 924 pez telef bûye, 83 pez jî giran birîndar bûne ku tedawîyên wan nayê kirin ji ber vê yekê ew jî ji Sazîya Şîr û Goşt re ji bo serjêkirinê hatine şandin. Sazî van heywanan standîye. 190 heywan li cîhên xwe hatine tedawîkirin.
Li Mêrdînê; li gundên Dirînê û Reşana Şemrexê jî 7 hezar dekar erd şewitîye. Ji vana jî 4 hezarê wan hêj nehatîye debrkirin, 3 hezarê wî jî prêze ye. Gelek amûrên avdana cotkaran jî zerarê dîtîne û şewitîne. Ekîbên me gotin ku li Mêrdînê heyvan telef nebûne.”
Di encama şewata ku li navçeya Çinara Dîyarbekirê û navçeya Şemraxa Mêrdînê derketibû de heta niha 15 kesan canê xwe ji dest dane. (ÎLKHA)
Hişyariya Zagonî: Mafên tamamê vîdyo, wêne û xeberên nivîskî yên ku hatine weşandin aîdî Ajansa Nûçeyan a Îlkê ya Şîrketa Hevpar e. Heta ku hevpeymana nivîskî an jî abonetî neyê kirin bi tu sûretî temamê an jî qismekî fotograf, vîdyo û xeberan nikare bên bikaranîn.
Li Êlihê du xwendekarên qîzîn ên dibistana navîn, sinif sinif gerîyan û ji bo Xezzeyê pereyan kom kirin, qîzên hestyar pereyên kom kirin ji Karwana Hêvîyê re teslîm kirin.
Fînala bernameyê ya “Jîyan Bi Nimêjê Xweş e”ku ji teref Platforma Nesla Quranê ve li çar alîyê Tirkîyeyê tê tertîpkirin di 29ê Îlonê de roja Yekşemê di seat 16.00an de li Dîyarbekirê wê bê tertîpkirin.
Karwana Hêvîyê, ji bona ku lazimatîya Libnanê ya ji ber êrîşa sîyonîstan mexdûr û mixtac bûne ji xêrxwazan re banga alîkarîya însanî kir.
Li navçeya Sêwrêga Rihayê di navbera du koman de bi çekan şer derket, di encamê de 4 jê zarok 5 kes birîndar bûn.