Ji HUDA PARê ji CHPyê re berteka “Heniyyeyê”: Ev ax tu carî rê nadin siyonîzm û alîgirên wê!
![Ji HUDA PARê ji CHPyê re berteka “Heniyyeyê”: Ev ax tu carî rê nadin siyonîzm û alîgirên wê! Ji HUDA PARê ji CHPyê re berteka “Heniyyeyê”: Ev ax tu carî rê nadin siyonîzm û alîgirên wê!](/img/NewsGallery/2024/8/30/413389/FeaturedImage/32362386-11a2-4b4d-8f9a-f80835f33410.webp)
Alîkarê Serokê Giştî yê HUDA PARê û Parlementerê Entabê Şahzade Demîr bertek nîşanî CHPyiyên ku bêhezimtiya posterê Şehîd Îsmaîl Heniyye kirin da û pirsî: "Ev zîhniyeta ku xwe wek cendirmeyên sîyonîzmê nîşan dide, çawa diwêre û bêhurmetiyê li nirxên civak û şehîdên me bike?"
Alîkarê Serokê Giştî yê HUDA PARê û Parlementerê Entabê Şahzade Demîr ji ber daxistina posterê Serokê Buroya Siyasî ya HAMASê Şehîd Îsmaîl Heniyye ya ku ji teref Platforma Qudsê ve li Qada 15ê Temmuzê hatibû daliqandin, bertek nîşanî koma CHPya ku di nava siloganên kîn û nefretê de posterê Heniyyeyê daxistin xwarê û avêtin erdê bertek nîşan da.
"Endamên CHPyê yên ku piştgirî didin siyonîzma qirker, li Entabê dîsa derketin sehneyê!"
Der barê zîhniyeta CHPyê ya ku her carê bi awayekî bêperwa êrîşî nirxên Îslamî yên gelan dike û bêhezimtiya posterê Şehîd Îsmaîl Heniyê yê ya li qadê daliqandîye daxuyanî da. Demîr wiha peyivî:
“CHPyê yên alîgirên siyonîzma qirker li Entabê dîsa derketin sehneyê! Posterê Şehîd Îsmaîl Heniyê ku li navçeya me ya Şahînbeyê daliqandibû, ji ber nerazîbûnan ji aliyê parlamenterên CHPyê yên Entabê, Şaredarê Şehîtkamîlê yê CHPyê, Alîkarê Serokê Koma CHPyê yê Meclîsa Şaredariya Şahînbeyê Hasan Şencan û koma li gel wî ve hat daxistin. Ev zîhniyeta ku xwe wek cendirmeyên sîyonîzmê nîşan dide, çawa diwêre û bêhurmetiyê li nirxên civak û şehîdên me bike?
Zihniyeta CHPyê ya ku ji berê heta niha li vî welatî dijminatiya nirxên manewî dike, wê kengê dev ji mucadeleya li dijî hesasiyetên gelê me berde? CHP ya ku dîroka wê tijî tarî ye, careke din aliyê xwe yê tarî nîşan da.
Divê neyê ji bîr kirin ku ev ax tu carî rê nadin siyonîzm û alîgirên wê!” (ÎLKHA)
Hişyariya Zagonî: Mafên tamamê vîdyo, wêne û xeberên nivîskî yên ku hatine weşandin aîdî Ajansa Nûçeyan a Îlkê ya Şîrketa Hevpar e. Heta ku hevpeymana nivîskî an jî abonetî neyê kirin bi tu sûretî temamê an jî qismekî fotograf, vîdyo û xeberan nikare bên bikaranîn.
Berdevkê HUDA PARê Yunus Emîroglu bertek nîşanî kesên ku ji ber wêneyên bîranînê yên ku ji teref Serokê Giştî yê partiya wî Zekeriya Yapicioglu ve di 953yemîn salvegera Serkeftina Melezgirê ya ku li ser daweta Serokomar Recep Tayyîp Erdogan hatibû kişandin de bertek nîşan dabûn da.
Hejmara wan kesên ku di qetlîama ku ji teref siyonistên îşxalker ve hat destpêkirin de şehîd dibin her ku diçin zêde dibin.
Serokê Giştî yê HUDA PARê Zekeriya Yapicioglu diyar kir ku di salvegera teşebbûsa darbeya 15ê Tîrmehê de firsend ji xayinên ku bûkokên emperyalîstan in neyên dayîn.