یەکێتی زانایان و مەدرەسەکانی ئیسلامی (إتحاد العلماء) بەهۆی هاتنی جەژنی قوربان پەیامێکی بڵاو کردەوە.

یەکێتی زانایان و مەدرەسەکانی ئیسلامی (إتحاد العلماء) بەهۆی هاتنی جەژنی قوربان پەیامێکی بڵاو کردەوە و دەست نیشانی کرد دەبێت گرنگی بە وتنی تەکبیرەکانی تەشریق بدرێت.

پەیامەکە بە ئایەتی ٢٧ی سورەتی مائیدە و قصەی کوڕەکانی حەزرەتی ئادەم دەستی پێ کرد.

لە پەیامەکەدا ئاماژەی بەوە کرا، قوربان نزیک بوونە بە لای خودا و دواتر دەست نیشان کرا، "قوربان عیبادەتێکی کۆمەڵایەتیە کە بە دابەش کردنی گۆشتی قوربانییەکان بە سەر هەژارەکان ئەنجام دەدرێت و نیشانەی نزیک بوون بە خودا بە رێگای تەقوایە."

"بە بەردەوام کردنی تەکبیرەکانی تەشریق حەمد و سەنا بۆ خودا دەکەین"

لە بەردەوامی پەیامەکەدا دەست نیشان کرا، نابێت تەکبیرەکانی تەشریق ئیهمال بکرێن و دواتر هاتووە، "بە ئیزنی خودا سبەینێ جەژنی قوربانە. ئەمڕۆ نوێژی بەیانی دەستمان کرد بە وتنی تەکبیرەکانی تەشریق و تا نوێژی عەسری رۆژی چوارەم بەردەوام دەبین لە وتن و حەمد و سەنا بۆ خودا دەکەین."

لە بەردەوامی راگەیەندراوەکەدا باس لەوە کرا، جەژنی قوربان پڕە لە حیکمەت کە لە حەزرەتی ئیبراهیمەوە بۆمان بە میراس ماوە و دواتر دەست نیشان کرا، "بە سەربڕینی ئاژەڵ لە راستیدا هەستەکانی نەفسانی کە کەوتوونەتە نێوان خودا و ئێمە لە ناو دەبەین. بە چەقۆی مەعنەوی تەواوی ئارەزۆکانی کە ئێمەی لە خودا دوور دەکات سەردەبڕین و داوا دەکەین کە زیاتر نزیکی خودا ببەین. بۆیە بانگێشتی تەواوی ئەو کەسانەی کە دەرفەتیان هەیە دەکەین تاکو قوربان سەرببڕن و ببنە وەسیلەی خۆشحالیی هەژارەکان و رزگار بوون لە بەندەکانی نەفاسنی."

"ئەوەندەی دەرفەتمان هەیە دەبێت سەردانی کەسوکارەکانمان بکەین و جەژنەکەیان پیرۆز بکەین"

لە کۆتایی پەیامەکەدا هاتووە، "جەژنەکان رۆژانێکن کە ناڕاحەتی و نەخۆشیەکان کۆتایی دێن و لەگەڵ دۆست و کەسوکار و دراوسێکان خۆشحال و شاد دەبین. ئەوەندەی دەرفەتمان هەیە دەبێت سەردانی کەسوکارەکانمان بکەین و پەیوەندی تەلەفۆنی لەگەڵ ئەو کەسانە ئەنجام بدەین کە دوورن و جەژنەکەیان پیرۆز بکەین. بەم وەسیلەیە پیرۆزبایی جەژنی تەواوی جیهانی ئیسلام دەکەین بە تایبەتی ئەو کەسانەی کە توانیان فەریزەی حەج بەجێ بێنن و جەژنی گەلەکەمان پیرۆز دەکەین. داوا لە پەروەردگارمان دەکەین کە ببێتە وەسیلەی هاتنی ئارامی، شادی و تەندروستی. جەژنەکەتان پیرۆز بێت."

(İLKHA)