لە شاری شرنەخ سەدان ئافرەت بەژداری رێپێوانی "ئێدی بەسە" لە دژی پەکەکە بوون.

رێپێوانەکە لە پێش مزگەوتی گەیلانی دەستی پێ کرد و تا پێش بارەگای هەدەپە بەردەوام بوو.

ئەو کەسانەی بەژداری رێپێوانەکە بوبوون دروشمەکانی دژی پەکەکەیان دەوت. یەکێک لە بەژداربووان بە ناوی س.ئ. کە پێشتر لە لایەن پەکەکە رفێندرابوو و دواتر خۆی رادەست کردبوو دەست نیشانی کرد، پەکەکە زیاتر لە ٤٠ ساڵە شتێک جگە لە خوێن، فرمێسک، فشار و ستەم نەهێناوە و بۆ دژایەتی کردن لە بەرامبەر هەدەپەی لقی سیاسیی رێکخراوەکە کە ئافرەتەکان ئیستیمار دەکات بەژداری رێپێوانەکە بوونەتەوە.

ناوبراو وتی، "ئەو رێپێوانە سەرهەڵدانە لە دژی چالاکیەکانی پەکەکە و لقە سیاسییەکانی. چەندین ساڵە فەریادێکی بێ دەنگ هەبوو، ئیتر گەشتوە ئاستی تەقینەوە. ئیتر ئافرەتەکان دەیانەوێت دەنگەکەیان ببیزرێت. دەبێت ئافرەتەکانمان لە قەندیل جیاواز بکرێن  و ئازاد بن. دەبێت ئافرەتەکانمان لە پەکەکە جیاواز بکرێن  و ئازاد بن. دەبێت ئافرەتەکانمان لە هەدەپە جیاواز بکرێن و ئازاد بن."

ناوبراو لە بەردەوامی بانگێشتی ئەو کەسانە کرد کە فریو دراون و رفێندراون سەر چیا و داوای کرد کە بگەڕێنەوە و باس لە پشتگری خۆی لەو دایکانە کرد کە لە دیاربەکر چالاکیی دانیشتن ئەنجام دەدەن و وتی، "ئەوە دەنگی دایکەکانە، دەنگی تەواوی گەلە. ئەوە دەنگی سەرهەڵدان لە بەرامبەر تیرۆرە، نەفرین کردنی تیرۆرە. بێ دەنگی خیانەت بە مرۆڤایەتیە."(İLKHA)