میدیاکانی رژێمی داگیرکەری سەهیۆنی باسیان لەوە کرد کە پاش ئاراستەکردنی مووشەکەکان لە یەمەنەوە لە زۆر ناوچەی تەلئەبیب دەنگی تەقینەوە بیستراوە.

ژمارەیەک مووشەک لە یەمەنەوە ئاراستەی ناوچە داگیرکراوەکانی فەلەستین کران.

دوای ئۆپڕاسیۆنەکە زەنگی هۆشداری لە تەلبئەبیب لێدرا و میدیاکانی داگیرکەران بڵاویان کردەوە کە دەنگی تەقینەوە لە زۆر شوێنی تەلئەبیب بیستراوە.

راگەیەندرا کە یەکەکانی داگیرکەری تەلئەبیب، لۆد، ڕاملا و ڕیشۆن لێزیونیش لە ژێر تەقەدا بوون.

رادیۆی سوپای رژێمی داگیرکەر رایگەیاند کە زیاتر لە دوو ملیۆن دانیشتوو دوای ئەوەی مووشەکێک کە لە یەمەنەوە هەڵدرابوو گەیشتە تەلئەبیب، پەلەیان کرد بۆ پەناگە.

راگەیەندرا کە کارکردن لە فڕۆکەخانەی بن گوریۆن راگیراوە.

سەبارەت بە ژمارەی کوژراو و بریندارەکانی دوای ئۆپڕاسیۆنە مووشەکییەکان هیچ لێدوانێک نەدراوە.

چاپەمەنی ڕژیمی داگیرکەری سەهیۆنی نووسیوە، "بەرگری ئاسمانی لە ناوچەی باشوور لەم دواییانەدا زۆر لاواز بووە و ئەم دۆخە نیگەرانی لێدەکەوێتەوە."(İLKHA)