سەهیۆنییەکانی داگیرکەر لە تەواوی شەو بەردەوامبوون لە هێرش سەر کەناری غەززە و لە ئەنجامی هێرشەکاندا ٢٣ فەلەستینی شەهید بوون و ژمارەیەکی زۆر فەلەستینیش بریندار بوون.

بە پێی راگەیەندراوێکی نووسراوی نەخۆشخانەی عەودە، سەهیۆنییەکانی داگیرکەر خانووی خانەوادەی "شەلدان" لە گەڕەکی زەیتوونی شاری غەززەیان بۆردومان کرد.

لە ئەنجامی هێرشەکەدا ٧ کەسی ئەندامی خانەوادەیەک شەهید بوون کە ٣یان منداڵ بوون و ژمارەیەکی زۆر کەسیش بریندار بوون.

لە ئەنجامی هێرشی داگیرکەران بۆ سەر دەوروبەری نەخۆشخانەی کەمال عەدوان ٢ کەس شەهید بوون.

سەهیۆنییەکانی داگیرکەر هێرشێکی دیکەیان بە تۆپهاوێژ بۆ سەر گروپێک فەلەستینی لە کەمپی بورەیج لە ناوەڕاستی کەناری غەززە ئەنجام دایەوە و لە ئەنجامی هێرشەکەدا ٣ کەس شەهید بوون و چەند کەسیش بریندار بوون.

داگیرکەران خانووی خانەوادەی "ئەبو تەقیە" لە کەمپی نوسەیرات ئەنجام دایەوە.

بە پێی راگەیەندراوی سەرچاوەکانی تەندروستی، داگیرکەران خانوویێکیان لە نزیکەی خێمەی پەنابەران لە شاری خان یونس کردە ئامانج. لە ئەنجامی کردنە ئامانجی خانووی خانەوادەی "ئەبو سەبلا" ٦ کەس شەهید بوون و زیاتر لە ٢٠ کەسیش بریندار بوون. لە ئەنجامی هێرشی درۆن بۆ سەر ناوچەی شێخ ناصر لە شاری خان یونس کەسێک شەهید بوو.

سەهیۆنییەکانی داگیرکەر لە شاری رەفەح فەلەستینیێکیان راستەخۆ کردە ئامانج و لە ئەنجامی هێرشەکەدا شەهید بوو.(İLKHA)