حکومەتی عێراق راگەیاند کە تەواوی دەروازەکانی لەگەڵ وڵاتی سوریا داخستووە.

فەریق قەیس ئەلموحەممەدەوی یاریدەدەری فەرماندەی ئۆپڕاسیۆنەکانی هاوبەشی عێراق راگەیاند، بەهۆی شەڕەکەی سوریا تەواوی دەروازەکانی نێوان عێراق و سوریا داخراون.

موحەممەدەوی ئاماژەی بەوە کرد کە هێزە ئەمنییەکانی عێراق بە تەواوی تەیار و ئامادەن بۆ دەستەبەرکردنی ئاسایشی وڵات.

فەرماندەی هێزی سنووری عێراق جەنەرال محەمەد عەبدولوەهاب ئەلسوئەیدی رایگەیاند کە کارەکانی بەهێزکردن و زیادکردنی ڕێوشوێنەکان لەسەر سنووری عێراق و سووریا ئەنجام دەدەن.(İLKHA)