13 oC 
Güneşli
بزووتنەوەی حەماس کاردانەوەی بەرامبەر بە ئیدیعاکانی ئیسرائیل کاتز، بەناو وەزیری جەنگی داگیرکەری نیشان دا کە وتبووی "حەماس لە کاتی ئاگربەستدا پلانی دانابوو هێرش بکاتە سەر سەرباز و شوێنی نیشتەجێبوون".
حەماس لە بەیاننامەیەکدا رایگەیاندووە، "تۆمەتەکانی کاتز وەزیری جەنگی داگیرکەر کە حەماس پلانی دانابوو سەرباز و شوێنی نیشتەجێبوون بکاتە ئامانج لە کاتی ئاگربەستدا، بە تەواوی بێ بنەما و چەواشەکارییە."
حەماس، بە ئاماژەدان بەوەی کە ئەم لێدوانانە "بەشێکن لە هەوڵەکانی هێزە داگیرکەرەکان بۆ خۆدزینەوە لە پابەندبوونەکانیان بەپێی رێککەوتنی ئاگربەست،" راگەیاند، "جگە لەوەش لێدوانەکانی کاتز سەبارەت بە پاراستنی سنووری غەززە و میسر وەک ناوچەی پارێزراو پێشێلکردنی ئاشکرای رێککەوتنی ئاگربەست و هەوڵێکە بۆ دروستکردنی بیانوو بۆ تێکدان و شکستهێنانی رێککەوتنەکە.
جەخت لەوە دەکەینەوە کە ئێمە بەتەواوی پابەندین بە هەموو ماددە و بڕگەکانی رێککەوتنی ئاگربەست و ئامادەین بۆ دانوستان لەسەر قۆناغی دووەمی رێککەوتنەکە، هەروەها گرنگیی برا نێوەندگیرەکانمان و کۆمەڵگەی نێودەوڵەتی و هەموو لایەنە پەیوەندیدارەکان دووپات دەکەینەوە کە هەنگاوی خێرا و جددی بگرنەبەر بۆ ئەوەی هێزە داگیرکەرەکان ناچاربکەن پابەندبن بە رێککەوتنەکەوە و کاربکەن بۆ رێگریکردن لە تێکدانی رێککەوتنەکە نەتانیاهۆ و حکومەتە تاوانبارەکەی."(İLKHA)
ئاگاداری: مافی له به رگرتنه وه ی بابه ته كانی ئیلكھه، پارێزراون ھه واڵی نوسراو، وێنه، ڤیدیۆ، به ھه مو جۆرێكیان، بۆ به ده ست ھێنان پێویسته نوسراو له نێوانمان ھه بێت یان به ڕه زامه ندی ئێمه بێت، پێچه وانه كه ی به ر پرسیاره تی یاسای تیایه
حکومەتی لوبنان بە سەرۆکایەتی نەواف سەلام دەنگی متمانەی پەڕلەمانی بەدەستهێنا.
ژمارەی ئەو منداڵانەی لە ساڵی ٢٠٢٤ لە ژاپۆن لەدایک بوون، بەراورد بە ساڵی پێشوو بۆ ٧٢٠ هەزار و ٩٨٨ منداڵ دابەزیوە و بۆ نۆیەمین ساڵ لەسەریەک نزمترین ئاستی تۆمارکردووە.
لە ویلایەتی تەکساسی وڵاتی ئەمریکا دوای زیادبوونی حالەتی تووشبوون بە سوڕێژە یەکەم حالەتی مردن بەهۆی سوڕێژە تۆماڕ کرا.
