لە ئەنجامی تەقەی هێزەکانی داگیرکەر لە قەزای یەعبودی شاری جەنین گەنجێکی فەلەستینی ١٣ ساڵە بە ناوی عەمر قەبحە شەهید بوو.

هێزەکانی داگیرکەری سەهیۆنی هێرشیان کردە سەر قەزای یەعبود لە شاری جەنین لە باکووری کەناری ڕۆژئاوای داگیرکراو. داگیرکەران لە کاتی هێرشەکەدا تەقەیان کردە سەر منداڵێکی ١٣ ساڵان بە ناوی عەمر عەلی خالد قەبحە و لە ئەنجامی هێرشەکەدا منداڵەکە شەهید بوو.

بە پێی زانیارییەکان، منداڵەکە کاتێک لە دەرەوە بوو لە لایەن داگیرکەران کراوە ئامانج. لە ئەنجامی تەقەی داگیرکەران منداڵەکە بە سەختی بریندار بوو بەڵام هێزەکانی داگیرکەر بۆ ماوەیەکی درێژ رێگریان لە چوونەوەی تیمەکانی تەندروستی بۆ ناوچەکە کرد.

باوکی منداڵەکە کاتێک هەوڵی دەدا بچێتە هاواری منداڵەکە تووشی هێرشی داگیرکەران بوو و بۆ ماوەیەک لە لایەن داگیرکەران دەستبەسەر کرا. عەمر لە لایەن تیمەکانی تەندروستی رەوانەی نەخۆشخانە کرا بەڵام لەگەڵ تەواوی هەوڵەکان گیانی لەدەستدا و شەهید بوو.

هێزەکانی داگیرکەر چوونەوە ژوورەوەی قەزاکەیان داخست و هاتوچۆی خەڵکی ناوچەکەیان سنووردار کرد. هەروەها داگیرکەران هێرشیان کردە سەر خانووی حوسێن ئەترەش و ساحیر فیاد ئەلشێخ ئیبراهیم لە قەزای کەفر راعی لە باشووری شاری جەنین.

توندوتیژیی سیستماتیکی رژێمی سەهیۆنی لە دژی منداڵان جارێکی دیکە ناڕەزایی لێکەوتەوە و گەلی فەلەستین ڕژانە سەر شەقامەکان بۆ دەربڕینی تووڕەیی خۆیان بەرامبەر بەو ستەمکارییە. رێکخراوەکانی مافی مرۆڤ ڕەخنە لە بێدەنگی کۆمەڵگەی نێودەوڵەتی دەگرن لە بەرامبەر زیادبوونی هێرشەکان کە خەڵکی مەدەنی لە کەناری ڕۆژئاوا دەکەنە ئامانج.(İLKHA)