نەخۆشیی ڤایرۆسی کۆرۆنا بە خێرایی بەردەوامە لە بڵاو بوون لە چین. هەوڵ دەدرێت پەیوەندی شاری ووهان کە گومان دەکرێت سەرچاوەی ڤایرۆسەکەیە و دوو شاری دیکەی دراوسێی ووهان لەگەڵ دەرەوە بپێچرێنرێت.

بە پێی راگەیەندراوی ئەنجوومەنی تەندروستی نەتەوەیی چین، جگە لە هەرێمی ئۆتۆنۆمیی تیبەت و پاریزگای چینگهای ڤایرۆسەکە لە تەواوی هەرێمەکانی ئۆتۆنۆم و پارێزگاکان بڵاو بووە و بەهۆیەوە ٨٣٠ کەس نەخۆش بوون کە رەوشی ١٧٧یان گرانە.

هەروەها بەهۆی بوونی پەیوەندی لەگەڵ نەخۆشەکان ٨ هەزار و ٤٢٠ کەس گرتراوە ژێر چاودێری و دەست نیشان کرا، گومان دەکرێت کە ١٠٧٢ کەس تووشی نەخۆشیەکە بووە.

لە پارێزگای هوبەی ٤٤٤ و لە گوانگدۆنگ ٣٢ و لە جیجیانگ ٢٧ حالەتی تووش بوون بە ڤایرۆسەکە دەست نیشان کراوە. هەروەها لە شاری پێکەنی پایتەخت ٢٦ و لە شانگهای ٢٠ حالەتی تووش بوون دەست نیشان کراوە.

بەرپرسان دەست نیشان دەکەن، رۆژی شەممە بەهۆی سەرساڵی چینی ملیۆنان چینی گەشت بۆ دەرەوە و ناو وڵات دەکەن ئەو رەوشەش دەبێتە هۆکاری دروست بوونی مەترسی کە ڤایرۆسەکە زووتر لە دونیا بڵاو بێت.

لە شاری ووهان و گوانگگانگی وڵاتی چین بەهۆی ڤایرۆسی کۆرۆنا ١٨ ملیۆن کەس دەگرێتە گەماڕۆ و لەو شارانە هاتوچۆی بە کۆمەڵ و گەشتی ئاسمانی بەتال کراوە.

وەزارەتی دارایی چین بۆ تێکۆشان لە بەرامبەر ڤایرۆسەکە ١ ملیار یوان (١٤٤ ملیۆن دۆڵاڕ) تەرخان کرد.(İLKHA)