رۆژنامەنووس زولکیف یەل: کەربەلا هەرچی بێت ئەمڕۆ غەززەش هەمان شتە
![رۆژنامەنووس زولکیف یەل: کەربەلا هەرچی بێت ئەمڕۆ غەززەش هەمان شتە رۆژنامەنووس زولکیف یەل: کەربەلا هەرچی بێت ئەمڕۆ غەززەش هەمان شتە](/img/NewsGallery/2024/7/20/405758/FeaturedImage/5f70b684-5148-4f8a-b6c6-0ecf28dc0a4c.webp)
وەقفی ئەڤیندارێن پێغەمبەر لە ئیستانبوول بەرنامەیەکی عاشوورا بە تەوەری "لە کەربەلاوە بەرەو غەززە" رێکخست.
بەرنامەکە بە خوێندنی قورئانی کەریم لە لایەن سەلیم باتوور دەستی پێ کرد.
دواتر سینەڤیزیۆنێک لەبارەی کەربەلا و غەززە پێشکەش کرا و دواتر رۆژنامەنووس و نووسەر زولکیف یەل وتارێک لەبارەی کەربەلا و غەززە پێشکەش کرد.
ئێمە هەڵوێستی پێویست لە دژی ئەوان ناگرینەبەر
زولکیف یەل ئاماژەی بەوە کرد کە رووداوی کەربەلا یەکێکە لە دەردناکترین رووداوەکانی مێژوو و دواتر وتی، "بە توندی نفرین لەو کەسانە دەکەین کە ئیمام حوسێنیان کوشتووە. ئەوانەی پەیوەندیان لەگەڵ رووداوەکەش هەبوو بە توندی ئیدانە دەکەین. ئێمە لەبەر ئەوەی کەربەلامان نەکردووە بە مەکتەبێک و ئیرادەی پێویستمان نیشان نەداوە بەداخەوە بۆیە ناتوانین سەرمان لە بەرامبەر زاڵمەکان هەڵدین. واتە کاتێک نفرین لە زاڵمەکانی مێژوو دەکەین هەڵوێستی پێویست لە بەرامبەر زاڵمەکانی سەردەم ناگرینەبەر. بۆچی؟ چونکە بۆ ئێمە ئاسانە نەفرین لە ستەمکارانی مێژوو بکەین و سەرکۆنەی بکەین، بەڵام بەو پێیەی وەستانەوە بەرامبەر ستەمکارانی سەردەمی خۆمان باجێکی دەوێت، بەداخەوە ناتوانین ئەو هەڵوێستە نیشان بدەین."
غەززە هیچ جیاوازیێکی لەگەڵ کەربەلا نییە
ناوبراو لە بەردەوامی ئاماژەی بەوە کرد کە زۆر شت هەیە کە دەتوانرێت لەبارەی کەربەلا بوترێت بەڵام ئەمڕۆ کەربەلایەکی نوێ روودەدات و دواتر وتی، "ئەمڕۆ لە غەززە کەربەلایەکی نوێ روودەدات بۆیە دەمەوێت بەم شێوەیە باس لە رووداوەکە بکەم. مسوڵمانانی ئازیز! غەززە هیچ جیاوازیێکی لەگەڵ کەربەلا نییە. دوێنێ کەربەلا هەرچی بێت ئەمڕۆ غەززەش هەمان شتە. ئوممەتی ئیسلام و مسوڵمانەکان دەبینین. بەهەمان شێوەیەی لە کەربەلا حەزرەتی حوسێن بە تەنها هشترا، ئەمڕۆ ٢ ملیار مسوڵمان بە هەمانی زیڵەتی کەربەلا تەماشا دەکەن. بەداخەوە دیمەن لەوێ ئەمەیە."
کەربەلا قوتابخانەیەکە کە هێمای سەرهەڵدانە لە بەرامبەر ستەم و زلهێزە باڵادەستەکان
یەل ئاماژەی بەوە کرد کە نفرین لە یەزید و سوپاکەی دەکەن و دواتر وتی، "نفرین لەو کەسانە دەکەین لە بەرامبەر رووداوەکە بێ دەنگ بوون. بەڵام نۆرەی غەززە دێت هیچ شتێک ناکەین. کەربەلا تەنها رووداوێکی مێژوویی نییە. کەربەلا لە راستیدا قوتابخانەیەکە خاڵی وەچەڕخانی مێژوویە. کەربەلا قوتابخانەیەکە کە هێمای سەرهەڵدانە لە بەرامبەر ستەم و زلهێزە باڵادەستەکان. بۆیە دەبێت ئەمە وەک قوتابخانەیەک هەڵبسەنگێنین. دەبێت سەرهەڵدانی حەزرەتی حوسێن بەم شێوەیە بخوێنین. دەبێت پەیامەکە بگوازینەوە بۆ نەوەکانی دەهاتوو. تێگەشتن لە کەربەلا ئەمەیە. دڵنیابن، تا کاتێک کەربەلا لەبیر بکرێت، پەیامەکەی حوسێن نەخوێنرێت، ستەمیش بەردەوام دەبێت. رووداوەکانی کەربەلا بەردەوام دەبن. رووداوەکانی کەربەلا هەموو کاتێک دووبارە دەبن. کاتێک کەربەلایەک لەبیر بکرێت کەربەلایەکی نوێ دێت."
دەبێت پەیامەکەی کەربەلا بگوازینەوە بۆ رۆژگاری خۆمان
زولکیف یەل لە بەردەوامی وتی، "بۆیە دەڵێین، مادەم ئێمە خاوەن تیڕوانین، هەڵوێست و قوتابخانەیەکین ئەو کات دەبێت پەیامەکەی کەربەلا بگوازینەوە رۆژگاری خۆمان. ئەگەر ئەمڕۆ مسوڵمانان لە غەززە گەمارۆ دەدرێن دەبێت ئێمەش وەک هەڵوێستێکی حوسێنی پشتگری لە خوشک و براکانمان لە غەززە بکەین. خاوەنداری لەو کەسانە بکەین کە خاوەنداری لە پەیامەکەی حوسێن دەکەن ."
چی جیاوازیێک لە نێوان منداڵەکانی کەربەلا کە بەهۆی تێنوو شەهید بوون و منداڵەکانی غەززە کە بەهۆی برسێتی شەهید دەبن هەیە؟
زولکیف یەل لە کۆتاییدا وتی، "دەبینین کە واقعیەتێک هەیە. هەموو کەس دڵیان لەگەڵ ئەوانە بەڵام هیچ کەس ناجوڵێتەوە. هەموو کەس بانگێشتی ئەوەی دیکە دەکات کە بەرپرسیارێتی بە ئەستۆ بگرێت. بەڵام چی حیکمەتە نازانم، هەموو چاوەڕوانی ئەوەی دیکە دەکات کە پێشەوایی ئەم کاروانە بکات. بەداخەوە کێشەیەکی بەم شێوەیە هەیە. متمانەتان هەبێت کە وەبالی ئەمە زۆر قورسە. کاتێک رووداوەکەی کەربەلا رووی دا ژمارەیەکی زۆر مسوڵمان دواتر ئاگایان لێبوو. کاتێک زانین کە ئیتر نەیاندەتوانی شتێک بکەن. بەڵام ئەمڕۆ کاتێک تەماشای غەززە دەکەین دەبینین کە مرۆڤەکان لە پێش چاوی دونیا دەکوژرێن. بەهۆی برسێتی و تێنووبوون شەهید دەبن. چی جیاوازیێک لە نێوان منداڵەکانی کەربەلا کە بەهۆی تێنوو شەهید بوون و منداڵەکانی غەززە کە بەهۆی برسێتی شەهید دەبن هەیە؟"(İLKHA)
ئاگاداری: مافی له به رگرتنه وه ی بابه ته كانی ئیلكھه، پارێزراون ھه واڵی نوسراو، وێنه، ڤیدیۆ، به ھه مو جۆرێكیان، بۆ به ده ست ھێنان پێویسته نوسراو له نێوانمان ھه بێت یان به ڕه زامه ندی ئێمه بێت، پێچه وانه كه ی به ر پرسیاره تی یاسای تیایه
دەزگای خێرخوازی کاروانی ئومێدی دیاربەکر پێش لە دەستپێ کردنی ساڵی خوێندنی ٢٠٢٤-٢٠٢٥ هاوکاری کەلوپەڵی نووسین بە سەر سەدان قوتابی دابەش کرد.
مامی نارین گوران تەمەن ٨ ساڵە دەستبەسەر کرا کە ١١ رۆژە لە گوندێکی دیاربەکر بێ سەروشوێن بووە.
گروپێکی چەهەپەیی جارێکی دیکە دوژمنیی خۆیان لە بەرامبەر ئیسلام نیشان دایەوە و لە عەنتاب وێنەی شەهید ئیسماعیل هەنییەیان هێنایە خوارەوە.
وەقفی ئەڤیندارێن پێغەمبەر راگەیاند کە رژێمی داگیرکەر هەوڵی دەدات کۆمەڵکوژییەکەی لە غەززە ئەنجام دەدات بگوازێتەوە بۆ کەرتی رۆژئاوا و لوبنان و بانگێشتی کرد کە کەرتی رۆژئاوا بەشداری لە ریزی بەرخۆدان بکات.