پەرلەمانتاری هودا پار: دەبێت لە پەرلەمان بۆ ئیسماعیل هەنیە چەپڵە لێبدرێت
![پەرلەمانتاری هودا پار: دەبێت لە پەرلەمان بۆ ئیسماعیل هەنیە چەپڵە لێبدرێت پەرلەمانتاری هودا پار: دەبێت لە پەرلەمان بۆ ئیسماعیل هەنیە چەپڵە لێبدرێت](/img/NewsGallery/2024/7/27/407084/FeaturedImage/6b2c4868-7774-490c-9258-36c693c12e1d.webp)
فاروق دینچ پەرلەمانتاری هودا پار وتی، "دەبێت ئیسماعیل هەنیە بانگهێشتی ئەم مەجلیسە بکرێت و وتار بۆ پەرلەمانتاران پێشکەش بکات و دەبێت لە پەرلەمان بۆ ئیسماعیل هەنیە چەپڵە لێبدرێت."
فاروق دینچ پەرلەمانتاری مێرسین و یاریدەدەری سەرۆکی گشتیی هودا پار بۆ کاروباری گەنجان لە پەرلەمانی تورکیا کۆنفرانسێکی میدیایی رێکخست.
ناوبراو ناڕەزایەتی دەربڕی لە بەرامبەر چەپڵە لێدان بۆ تیرۆرست نەتانیاهۆ لە کاتی وتارەکەی لە کۆنگرێسی ئەمریکا و بانگێشتی کرد کە ئیسماعیل هەنیە رابەری قارەمانەکانی فەلەستین کە لە دژی رژێمی داگیرکەر موجادەلە دەکەن لە پەرلەمانی تورکیا وتارێک پێشکەش بکات.
"رۆژئاوا هیچ کات مەدەنی نەبووە"
فاروق دینچ وتی، "وەک دەزانن لە فەلەستین جینۆسایدێک هەیە. هەموو رۆژێک، هەموو کاتژمێرێک، هەموو خولەکێک، شایەد هەموو چڕکەیەک منداڵەکان، ئافرەتەکان، مەدەنییەکان دەکوژرێن. لەوێ جینۆسایدێک هەیە. لە کاتێک ئەم رووداوانە روودەدەن لە کۆنگرێسی ئەمریکا بۆ نەتەنیاهۆی سەرۆکی تیرۆرستەکان چەپڵە لێدەدرێت. ئەم چەپڵەیە چەپڵەیەکی ئاسایی نییە. ئەمە دانپێدانە کە کۆمەڵکوژییەکە پێکەوە ئەنجام دەدەن. بەڵام لە راستیدا ئەمریکا جینۆسایدکار بوونەکەی تەنها لێرە نیشان نەداوە. مێژووکەی پڕە لە جینۆساید. وەک عەلی (عیزەتبەگۆڤیچ) وتووە 'رۆژئاوا هیچ کار مەدەنی نەبووە.' رۆژئاوا هەموو کاتێک وەحشی بووە و هێشتا بەردەوامە لە وەحشیەت. کەسانێک لە کۆنگرێس و دەیان هەزار هاوڵاتیش هەبوون کە ناڕەزایەتیان دەربڕی لە بەرامبەر ئەم رەوشە. بۆیە دەڵێین، ئەم چەپڵەیە بۆ پێشڵکردنی یاسا نێودەولەتییەکان لێدراوە. بۆ پێشڵ کردنی مافی مرۆڤ، مافی منداڵان، مافی ئافرەتەکان لێدرواە. چەپڵە لێدراوە بۆ پشتگری لە جینۆساید."
"دەڵێین دەبێت لە پەرلەمان بۆ ئیسماعیل هەنیە چەپڵە لێبدرێت"
فاروق دینچ لە بەردەوامی بانگێشتی کرد کە ئیسماعیل هەنیە رابەری حەماس بانگهێشت بکرێت بۆ پەرلەمانی تورکیا تاکو وتار پێشکەش بکات و وتی، "بۆیە دەڵێین کە دەبێت تەواوی وڵاتانی کە هێشتا ویجدانیان هەیە، بە تایبەت وڵاتانی ئیسلام پێداچوونەوە لەبارەی پەیوەندی سەربازی، سیاسی، بازرگانی و هەموو جۆرەیەک پەیوەندیی دیکە لەگەڵ ئەمریکا بکات کە پشتگری لە تیرۆرستەکان و جینۆساید دەکات. چونکە ئەمانە تەنها لە بەرامبەر فەلەستین جینۆسایدێک ئەنجام نادەن بەلکو لە دژی تەواوی مرۆڤایەتی جینۆساید ئەنجام دەدەن. لەم ڕووەوە، بانگەوازی خۆمان بۆ هەموو پەرلەمانتاران دووپات دەکەینەوە و دەڵێین؛ پێویستە ئیسماعیل هەنیە رابەری ئەو پیاوە ئازایانەی کە بە دادپەروەرانە و شەرعیانە لە فەلەستین موجادەلە دەکەن، کە لە پێناو خاکی خۆیان، بۆ گەلی خۆیان، بۆ وڵاتی خۆیان موجادەلە دەکەن، هەروەها پێویستە بانگهێشتی ئەم مەجلیسە بکرێت و وتار بۆ پەرلەمانتاران پێشکەش بکات و دەبێت لە پەرلەمان بۆ ئیسماعیل هەنیە چەپڵە لێبدرێت. من وا باوەڕ دەکەم، هیچ پەرلەمانتارێک دژایەتی ئەمە ناکات و باوەڕ دەکەم کە تەواوی پەرلەمانتارانمان بەم هەستیاریە رەفتار دەکەن."(İLKHA)
ئاگاداری: مافی له به رگرتنه وه ی بابه ته كانی ئیلكھه، پارێزراون ھه واڵی نوسراو، وێنه، ڤیدیۆ، به ھه مو جۆرێكیان، بۆ به ده ست ھێنان پێویسته نوسراو له نێوانمان ھه بێت یان به ڕه زامه ندی ئێمه بێت، پێچه وانه كه ی به ر پرسیاره تی یاسای تیایه
دەزگای خێرخوازی کاروانی ئومێدی دیاربەکر پێش لە دەستپێ کردنی ساڵی خوێندنی ٢٠٢٤-٢٠٢٥ هاوکاری کەلوپەڵی نووسین بە سەر سەدان قوتابی دابەش کرد.
مامی نارین گوران تەمەن ٨ ساڵە دەستبەسەر کرا کە ١١ رۆژە لە گوندێکی دیاربەکر بێ سەروشوێن بووە.
گروپێکی چەهەپەیی جارێکی دیکە دوژمنیی خۆیان لە بەرامبەر ئیسلام نیشان دایەوە و لە عەنتاب وێنەی شەهید ئیسماعیل هەنییەیان هێنایە خوارەوە.
وەقفی ئەڤیندارێن پێغەمبەر راگەیاند کە رژێمی داگیرکەر هەوڵی دەدات کۆمەڵکوژییەکەی لە غەززە ئەنجام دەدات بگوازێتەوە بۆ کەرتی رۆژئاوا و لوبنان و بانگێشتی کرد کە کەرتی رۆژئاوا بەشداری لە ریزی بەرخۆدان بکات.