لە ئەنجامی ئۆپڕاسیۆنێکی بە چەقۆ لە جەلیلەی سەرەوە لە خاکەکانی داگیرکراوی فەلەستین سەربازێکی داگیرکەر کوژرا و سەربازێکیش بریندار بوو و فەلەستینییەکە شەهید بوو.

بە پێی راگەیەندراوی میدیاکانی داگیرکەر، چالاکییەکە لە ناوچەی کارمیێلی داگیرکراو لە جەلیلەی سەرەوە لە باکووری خاکەکانی داگیرکراو ئەنجام درا.

دەستنیشان کرا، لە ئەنجامی چالاکیەکەدا سەربازێکی داگیرکەر کوژراوە و سەربازێکیش بریندار بووە.

بە پێی راگەیەندراوەکان گەنجەکە جەواد رەبیع خەلکی گوندی کەفر نەخەف سەر بە جەلیلە بووە و لە ئەنجامی تەقەی داگیرکەراندا شەهید بووە.

بە پێی راگەیەندراوی کەناڵی ١٤ی عیبری، چالاکییەکە لە نهۆمی ددوی مۆڵێک لە ناوچەی کارمیێل ئەنجام دراوە.

داگیرکەران دوای چالاکییەکە هێرشیان کردە سەر خانووی شەهیدەکە و باوک و دایک و برا و چەند خزمێکی شەهیدەکەیان بە دیل گرت. داگیرکەران لە کاتی هەڵکوتانە سەر ماڵی شەهیدەکە هێرشیان کردە سەر فەلەستینییەکان کە لە دەوروبەری خانووکە کۆبوونەتەوە.

حەماس: تاکە رێگا بەرخۆدانە!

بزووتنەوەی خۆڕاگری ئیسلامی فەلەستین حەماس سەبارەت بە چالاکییەکە راگەیەندراوێکی بڵاو کردەوە و چالاکییەکەی وەک وڵامێکی سروشتی بەرامبەر تاوانەکانی داگیرکەران وەسف کرد و جەختی لەوە کرد کە بەرخۆدان تاکە رێگایە بۆ پاراستن و بەرگریکردن لە مافەکانی گەلی فەلەستین.

حەماس راگەیاند، "جەخت لەوە دەکەینەوە کە ئەو ئۆپڕاسیۆنە بەرەنگارییە بوێرانەی کە زیانێکی زۆریان بەسەر داگیرکەری لە تولکەرەم و جەنین و ناوچە داگیرکراوەکانی ناوخۆدا گەیاند و سوپاکەی لە ئۆپڕاسیۆنی تۆفانی ئەقسا لە غەززە زەلیل کرد، بەرخۆدان تاکە رێگایە بۆ وەڵامدانەوەی ئەم داگیرکارییە کوشندەیە و رزگارکردنی خاکەکانی گەلی فەلەستینیمان و بەرگری لە شوێنە پیرۆزەکانیان.

داوا لە گەلی قارەمانمان دەکەین کە خۆڕاگری زیاتر بکەن و بەردەوام بن لە تێکۆشان دژی سەربازانی تاوانکاری دوژمن و دانیشتوانی تیرۆریستی لە هەموو شوێنێک و بەرەنگاری پلانەکانی داگیرکەر بۆ تەسفیەکردنی دۆزی ئێمە و تێکدانی مافەکانمان بن."(İLKHA)