Karbidestên sîyasî û leşkerî yên Îranê, di bersiva îddîaya "kontrola tevahî" ya Emrîkayê li ser Tengava Hurmuzê de, tekez dikin ku trafîka deryayî ya li ser rêya avê ya stratejîk di bin kontrol û çavdêriya Komara Îslamî ya Îranê de ye, di heman demê de Washington tehdîd dike ku dorpêça xwe ya deryayî bidomîne û zexta aborî ya li ser Îranê zêde bike.

Karbidestên Îranî bi gotina ku Komara Îslamî ya Îranê trafîka deryayî ya li Tengava Hurmuzê kontrol dike, bersiva îddîayên Emrîkayê yên li herêmê dan.

Fermandarê nû yê Başîkê yê Îranê, Huseyîn Taîb, got ku Tengava Hurmuz "di bin kontrol û rêveberiya Îranê de ye".

Taib di hevpeyvînekê de bi Ajansa Nûçeyan a Fars re diyar kir ku Emrîka hewl dide bi destpêkirina şerekî nû piştgiriya gel a Îranê li herêmê qels bike, lê "şikestinek din xwariye".

Taib diyar kir ku tevî îddîayên Emrîkayê ku Îran xwedî hêza hewayî an deryayî nîne, Tengava Hurmuz di bin kontrol û rêveberiya Komara Îslamî ya Îranê de dimîne, û welatê wî çalakiyên xwe "bi ewlehîyeke temam" dimeşîne. (ÎLKHA)