Ensarullah a Yemenê ragihand ku wan bi gelek mûşekên balîstîk û dronan "kampên bicihkirina leşkerî" li deverên Ruweyq û Sinya yên parêzgeha Marib û devera Ebr a parêzgeha Hedremût kirine armanc û di encama êrîşan de "bi sedan leşkerên Siûdî hatine kuştin û birîndar bûne".

Berdevkê leşkerî yê Ensarullahê Tuxgeneral Yahya Serî, di daxuyaniyekê de ragihand ku Erebistana Siûdî nêzîkî 12 salan e ku dorpêç û êrîşên xwe yên li dijî gelê Yemenê didomîne.

Serî diyar kir ku hêzên Ensarullahê komeke leşkerî ya berfireh ji aliyê Erebistana Siûdî ve ku bajarên Yemenê û gelê Yemenê hedef digire, tespît kirine ku di merhaleya xwe ya dawî de ye û wiha got, "Di vê çarçoveyê de, Hêzên me yên Çekdar bi gelek mûşekên balîstîk û balafirên bêmirov li dijî komeke leşkerî ya berfireh û asta bilind li herêmên el-Ruweyk, el-Ebr û el-Sinya, û her wiha kampên din ên girêdayî Tûgayên Awarte yên Yekem û Sêyem operasyon pêk anîn."

Serî derbarê encamên hedefgirtinê de ev agahî da:

"Bi sedan kirêgirtiyên dijminê Siûdî hatine kuştin û birîndar kirin. Gelek kamp, ​​depo, embar û çekên dijminê Siûdî li herêma El-Wadî'a ya li rojhilatê welat hatine wêrankirin û şewitandin. Gelek wesayîtên leşkerî yên ku di kampên hedefgirtî de hatine dîtin jî hatine wêrankirin."

Serî li dijî her cure kiryarekê ji aliyê hêzên Siûdî ve li dijî Yemenê û gelê wê hişyarî da û diyar kir ku ew ê bersiva her cure aloziyê bide û daxwaz kir ku hêzên Siûdî kampên xwe bi cih bihêlin û bêyî derengmayînê vegerin deverên xwe. (ÎLKHA)