Hamasê daxuyaniya hevbeş a ku ji aliyê wezîrên karên derve yên heşt welatan ve hat dayîn, pêşwazî kir û diyar kir ku helwesta şermezarkirina redkirina nexşerêya ji bo bicîhanîna plana Donald Trump ji aliyê rejîma sîyonîst ve girîng e.

Di daxuyaniyekê de ku ji aliyê Hamasê ve hat weşandin, daxuyaniya hevbeş a wezîrên derve yên Emîrtiyên Yekbûyî yên Ereb, Qeter, Urdun, Endonezya, Pakistan, Tirkiye, Erebistana Siûdî û Misrê hat pêşwazîkirin.

Di daxuyaniyê de hat destnîşankirin ku girîng e ku di daxuyaniya hevbeş de redkirina nexşerêya ji bo temamkirina pêkanîna plana Donald Trump ji aliyê rejîma sîyonîst ve bi awayekî eşkere were şermezarkirin.

Hamas her wiha tekezî li ser pêwîstiya pêkanîna tavilê û bi tevahî ya nexşerêyê kir.

Di daxuyaniyê de wiha hat gotin: "Divê ev helwesta girîng bi înîsiyatîfên siyasî û dîplomatîk ên bibandor were pêşxistin, divê zext li ser hikûmeta rejîma sîyonîst were domandin da ku xalên li hev hatine kirin bicîh bîne, divê êşa gelê me bi dawî bibe û ji nû ve avakirina Xezzeyê dest pê bike." (ÎLKHA)