Li gorî agahiyan, artêşa îşxalker bi avakirina baregehên nû, vekirina rêyên lojîstîkî û wêrankirina gundan, îşxalkirina xwe ya daîmî ya li herêma 602 kîlometreçargoşeyî ya başûrê Lubnanê ku îşxal kiriye kûrtir dike.

Li gorî raporek rojnameya sîyonîst Haaretz, ku li ser bingeha wêneyên satelîtê û daneyên meydanî ye, artêşa îşxalker hebûna xwe di kûrahiya Lubnana îşxalkirî de zêdetir dike.

Artêşa îşxalker heta niha rûberek bi qasî 602 kîlometreçargoşe li Lubnanê îşxal kiriye.

Ev herêm li hinek herêman heta 12 kîlometreyan ji sînor dûr dikeve.

Artêşê herî kêm heft baregehên nû li herêmê ava kirine û bi kîlometreyan rêyên lojîstîkî çêkirine.

Li ser rêya ku ji sînorê îşxalkeran ber bi hundirê Lubnanê dirêj dibe, gelek makîneyên înşaetê, di nav de ekskavator, silindir û buldozerên D-9, ku ji hêla ekîbên ku peymankarên sivîl jî di nav de ne, têne xebitandin.

Karbidestekî leşkerî yê payebilind ji rojnameyê re got ku artêş hatiye talîmat kirin ku xwe ji bo mayîna heta salekê li Lubnanê amade bike.

Karbidest diyar kir ku çalakiyên avakirin û lojîstîkî yên pêwîst ji bo leşkerên ku di avahiyên sivîlan de li gundên başûrê Lubnanê yên îşxalkirî mane, li gorî vê yekê têne kirin.

Wêneyên ku ji hêla şîrketa peykê Airbus ve hatine kişandin, guhertinên girîng li ser erdê nîşan didin. (ÎLKHA)