Li parêzgeha Nonthaburi ya Taylandê, di êrîşeke çekdarî ya li ser dibistanekê de ku ji aliyê xwendekarekî 14 salî ve hatiye kirin, 8 kes mirine û 30 kes jî birîndar bûne.

Di êrîşa çekdarî ya li dibistanekê li parêzgeha Nonthaburi ya Taylandê de 8 kes hatin kuştin û 30 kes jî birîndar bûn.

Li gorî raporên medyaya welat, êrîş li Dibistana Debsirin Nonthaburi ya li herêma Bang Kruai, li bakurê rojavayê paytext Bangkokê, pêk hat.

Karbidestên polêsan ragihandin ku xwendekarê 14 salî yê ku êrîş pêk aniye piştî bûyerê xwe kuştiye. Lêkolînên li mala êrîşkar eşkere kirin ku dapîr û bapîrê wî jî mirine. Bi vî awayî, hejmara giştî ya miriyên têkildarî bûyerê digihêje 8 kesan.

Karbidestên tenduristiyê ragihandin ku 30 kesên di êrîşê de birîndar bûne li nexweşxaneyan têne dermankirin, ku neh ji wan rewşa wan krîtîk e.

Piştî êrîşê, mamosteyan xwendekar û karmendên dibistanê ji cihên ewle derxistin, di heman demê de hêzên ewlehiyê li dibistanê lêpirsînek berfireh dan destpêkirin. (ÎLKHA)