Li Beyt Lahîyayê Filistînîyekî ji ber gulereşandina îşxalkeran şehîd bû. Wezareta Tenduristîyê, daxuyand ku hêna jî gelek kes hene ku di bin kavilan de ne.

Şeva sêşemê îşxalkeran li Beyt Lahîyayê gule reşandin û di encamê de Filistînîyekî birîndar kirin. Li gorî agahîyên ku ji herêmê hatine bidestxistin, Filistînîyê ku birîndar bû ji Navenda Tip a Şîfayê re hat rakirin lê ew digel temamî midexeleyan canê xwe ji dest da û şehîd ket.

Wezareta Tenduristî ya Xezzeyê, daxuyand ku di nav 24 saetên dawîn de ji nexweşxaneyan re şehîdek û 6 birîndar hatine anîtin. Wezaret, îfade kir ku ji ber ku êrîş berdewam dikin hêna jî gelek kes di bin kavilan û kolanan de ne, ambûlans û ekîbên parastina sîvîl jî nikarin xwe bighêjînin wan.

Hat destnîşankirin ku ji 11ê Cotmeha 2025an vir ve 377 kes şehîd bûn, 987 kes birîndar bûn û 626 kes jî ji bin kavilan hatin derxistin.

Xeyn ji van hûrgilîyan Wezaretê îfade kir ku ji 7ê Cotmeha 2023yan vir ve hejmarê şehîdan gihîştîye 70 hezar û 366an, hejmarê birîndaran jî gihîştîye 171 hezar û 64 kesan. (ÎLKHA)