Balafirên herbê yên rejîma îşxalker li Refahê malekî bombe kirin, di encamê de 3 jê zarok, 2 jê pîrek tev de 6 kes şehîd bûn.

Balafirên îsraîla terorîst, di seatên êvarê de êrîşî Refahê kirin.

Çavkanîyên tenduristîyê, diyar kir ku di êrîşê de 3 jê zarok, 2 jê pîrek tev de 6 Misilman şehîd bûn, gelek kes jî birîndar bûn.

Hat destnîşankirin balafirên çeteyan Taxa El Zeytunê bombekirin.

Ekîbên parastina sîvîl yên ku girêdayê Walîtîya Xezzeyê ne, di nav mala ku li nêzê Stada Fîlîstînê ye hatîye bombekirin de 5 cenazeyê şehîdên ji malbata El Cabarîyê ne derxistin.

Îşxalkeran ji 7ê Cotmehê vir ve di qirkirina ku li dar xistin de 34 hezar û 683 kesan şehîd kirin, ji 78 hezar zêdetir Fîlîstînîyan jî birîndar kirin.

Wezareta Tenduristîyê destnîşan kir ku hêj bi hezaran mirov di bin kavilan de ne an jî di rêyan de winda ne, gihandina ambûlans û ekîbên tenduristîyê jî ji teref rejîma terorîst ve tê astengkirin. (ÎLKHA)