Bi minasebeta 10emîn salvegera wefata Muhammed Sûdan Xoceyê ku jiyana xwe ji Quranê û doza Îslamê re feda kir, li ser gora wî bernameya bîranînê hat tertîpkirin.

Muhammed Sûdan Xoceyê ku di sala 2014an de rehmet kir di 10emîn salvegera wefata xwe de li ser gora xwe hat bibîranîn.

Piştî nimêja eydê bernameya bîranînê ya ku li Goristana Mêrdîn Kapî ya navçeya navenda Sûrê ya Diyarbekirê hat lidarxistin bi tîlaweta Qurana Pîroz dest pê kir.

Serokê Bajara Diyarbekirê yê HUDA PARê Zeynel Abîdîn Gulsever diyar kir ku yekane derdê Muhammed Sûdan Xoceyê Îslam e, li hemberî belayê serê xwe ji berdêla doza xwe û sebra xwe dûr neket.

"Wî her ciwanê narkotîkê kir mamosteyê Quranê"

Gulsever destnîşan kir ku Sudan Xoce ji zarokatîya xwe heta wefata xwe jîyana xwe ji Quranê re feda kirîye, “Ew evîndarê Quranê bû. Ew ne tenê evîndarê Quranê bû, di heman demê de mamosteyek bû ku bi sedhezaran evîndarên Quranê perwerde kir. Muhammed Sûdan Xoce alim, mirovekî xwedî doz û abîdeya exlaqê baş bû. Di salên 1990î de dema ku mizgeft xemgîn dibûn û ciwan û zarok nediçûn mizgeftan, destên ciwanên bêkar û betal ên li kuçe û kolanên Amedê girtibû, wan hînî Quranê dikir û her yek ji wan dikir mamosteyê Quranê. Bi sedan, bi hezaran, heta bi deh hezaran ciwan bi şandina mizgeftan perwerde kir. Em behsa mamosteyê Quranê Muhammed Sûdan Xoceyê dikin ku me serdana gora wî kiriye û belkî gelek ji me rêberî rêya rast kiriye. Xwedê her û her jê razî be.”

"Di salên ku di girtîgehê de bû bi îlmên Îslamî re mijûl bû"

Gulsever bal kişand ku Muhammed Sudan Xoce, jîyana xwe, mal û milkê xwe fedayê doza xwe kirîye, “Ew zarokê malbateke dewlemend bû. Ew mirovekî ku gelek mal û milkê wî hebû, lê ji ber ku bi şev û roj bi hezkirina doza Îslam û Quranê dişewitî, xêra wê mal û milkê nedikir û mal û canê xwe ji bo vê yekê terxan kir. Di encama hewldanên wî yên ji bo guherandina rûyê Amedê û veguherandina ciwanan ber bi Îslamiyetê ve, hêzên tarî yên wê demê ketin pey wî. Dest jê berneda û çû hîcretê. Di salên hîcretê de jî xizmeta wî ji Îslamê re dûr neket. Bi salan ji malbat, xizm û bajarê xwe dûr jiya. Hêzên tarî yên ku li dû wî bûn, ew girtin û îşkence kirin. Xwestin wî bitirsînin, lê wî dev jê berneda. Di encama îşkenceya zaliman de birîn di laşê wî de derketin. Nêzî 10 salan di girtîgehê de ma. Di salên ku di girtîgehê de bû, bi perwerde û ilmê Îslamê re mijûl bû. Piştî ku ji girtîgehê derket, xeyala wî tenê vekirina medreseyan û perwerdekirina alimên Îslamê bû. Dibe ku ew medreseyên ku bingehên wan danîbûn nedîtibe, lê niha bi sedan mamoste di wan medreseyan de hatine perwerdekirin. Heya serê sibê jî em hewl bidin yek bi yek qal  bikin, em ê tenê netemam qal bikin. Muhammed Sûdan Xoce 2 şîret li me kirin. Ya yekem ew bû ku ji Quran û maddeyên wê veneqetin, ya duyem jî ji mizgeft û civatê qut nebûna. Weke şagirt û birayên wî em ê nikaribin ji şîretên wî dûr bikevin.” (ÎLKHA)