Serokê Têkiliyên Derve yê HUDA PARê Huseyîn Îmîr di bersiva êrîşa rejîma sîyonîst a li ser Baregeha Hewayî ya Ebû Zuhur a li Sûrîyeyê de diyar kir ku divê Tirkîye bersiveke berbiçav û zelal bide van êrîşan.

Serokê Têkiliyên Derve yê HUDA PARê Huseyîn Îmîr li ser êrîşa rejîma terorîst a sîyonîst a li ser Baregeha Hewayî ya Ebû Zuhur, daxuyaniyên Emrîkayê yên ku şertê ji nû ve avakirina Xezzeyê danîne û pakêta mueyîdeyên nû yên ku li dijî Îranê hatine sepandin, nirxandin kir.

Îmîr di bersiva êrîşa rejîma terorîst a siyonîst a li ser Baregeha Hewayî ya Ebû Zuhur li Îdliba Sûrîyeyê de got, "Êrîşa rejîma terorîst a sîyonîst a li ser Baregeha Hewayî ya Ebû Zuhur li Sûrîyeyê, bi hinceta 'amadekariyên Tirkîyeyê ji bo bicihkirina hebûna xwe li wir', careke din bi awayekî zelal nîşan dide ku stratejiya wê ya 'kûçikê har' bê sînor e. Bi vê êrîşê û daxuyaniyên piştre, rejîma terorîst a sîyonîst bi awayekî tesîrdar 'mafê xwe yê vetoyê' li dijî her rêkeftinek ku Tirkîye bi Sûrîyeyê re dike û çalakiyên ku li gorî wê rêkeftinê dike, ragihandiye."

"Heke bersiveke zelal ji rejîma terorîst a sîyonîst re neyê dayîn, ev yek wê tenê asta êrîşan zêde bike"

Îmîr hişyariyên xwe yên berê yên li ser pêwîstiya bersiveke tund li hember qirkirina rejîma sîyonîst a li Xezzeyê bi bîr xist û got, "Em careke din hişyar dikin; eger bersiveke berbiçav û zelal li hember hedefgirtina eşkere ya Tirkîyeyê ji aliyê sîyonîstan ve neyê dayîn, rejîma îşxalker a siyonîst ew ê asta van êrîşan hîn zêde bike."

"Divê her êrîşeke rejîma siyonîst bi kêmanî bi hêzeke wekhev were bersivandin"

Îmîr bal kişand ser wê yekê ku rejîma terorîst a sîyonîst bi piştgiriya aborî û leşkerî ya Emrîkayê êrîşên xwe didomîne û wiha got: "Wekî gava yekem a rûbirûbûna vê tehdîd û dorpêçê, divê were ragihandin ku berxwedana Filistînê ne tenê piştgiriya sîyasî, lê di heman demê de piştgiriya leşkerî ya eşkere jî werdigire û divê her êrîşek rejîma sîyonîst bi kêmanî bi hêzek wekhev were bersivandin."

"Divê pêşnûmeqanûna me ya derbarê darizandina hemwelatiyên dualî yên sîyonîst de bibe qanûn"

Îmîr diyar kir ku ew piştgiriyê didin biryara Wezareta Dadê ya ji bo dayîna bultena sor li dijî serokê terorîst û komkujer Netanyahu di doza Fîloya Sumud de û got: "Ev înîsiyatîf gaveke pir girîng e di têkoşîna berdewam de. Lêbelê, girîng e ku pêşnûmeqanûna me, ku me di Kanûna 2023an de pêşkêşî Parlamentoyê kir, ku darizandin û cezakirina hemwelatiyên dualî yên ku beşdarî sûcê komkujîyê bûne, betalkirina hemwelatîbûna kesên ku ji edaletê direvin û desteserkirina milkên wan pêşbînî dike, di zûtirîn dem de ji hêla Meclîsê ve were nîqaş kirin û bibe qanûn."

"Plana şantajê projeyek rasterast e ji bo valakirina şêniyên Xezzeyê û radestkirina wê bo çeteyên siyonîst"

Îmîr tekez kir ku şantajên Emrîkayê yên li ser bêçekbûnê û tehdîdên li ser Xezzeyê careke din şanoya "aştîyê" ya Rojava derxistiye holê û wiha got, "Tehdîdên nûnerên Emrîkayê, ku patronê îşxalkerên siyonîst in, ku 'eger Hamas di nav 60-90 rojan de bêçek nebe, rê li ber îsraîlê vedibe ku kar biqedîne' û daxuyaniyên wan ên ku bêyî bêçekbûnê ji nû ve avakirina Xezzeyê nayê destûr kirin, careke din niyetên qirêj ên li pişt şanoya "aştîyê" ya Rojava derxistiye holê. Ev plana şantajê projeyek rasterast e ji bo bêmirovkirina Xezzeyê û radestkirina wê ji çeteya siyonîst re."

Îmîr bal kişand ser ku rejîma terorîst a sîyonîst ji dema ku di Cotmeha 2025an de ketiye meriyetê ve herî kêm 4 hezar û 95 caran agirbesta qaşo îxlal kiriye û got, "Rejîma terorîst a sîyonîst her wiha nêzîkî 1300 birayên me qetil kiriye û rê li ber ketina alîkariya mirovî bo Xezzeyê digire. Tevî vê yekê jî, ew sazîya ku xwe wekî 'Komîteya Aştiyê' bi nav dike, nikare li dijî qetlîamên îşxalker peyvekê jî bibêje, lê dîsa jî li benda gavekê ji berxwedana Filistînê ye."

"Hevkarîbûn an jî qebûlkirina vê plana kirêt ew ê ji bo cîhana Îslamê şermeke dîrokî be"

Îmîr tekez kir ku yekane armanca Emrîkayê, ku fînansorê yekem ê rejîma sîyonîst û qirkirinê ye, paqijkirina Xezzeyê ji Filistîniyan û veguherandina wê bo garnîzonek ji bo sîyonîstan e û wiha domand:

"Hevkarbûn an qebûlkirina vê plana nebaş ji bo cîhana Îslamê şermeke dîrokî ye. Divê êdî eşkere bibe ku ew kesên ku îddîa dikin ku garantor in lê bi şermezarkirinên devkî an nivîskî bersivdayîna bi hezaran îxlalkirinên sîyonîst têrê dikin, tenê cesareta kujerên qirkar zêde dikin. Ji ber vê yekê, divê raya giştî seferber bibe da ku li dijî ferzkirinên Emrîka û terora sîyonîst li kêleka doza Filistînê raweste. Divê planên teslîmbûnê yên li ser gelê Filistînê hatine ferzkirin werin redkirin, divê retorîka dîplomatîk were danîn aliyekî û dorpêça li ser Xezzeyê bi tesîrdar were şikandin."

"Emrîka bi rêya şantajê hiqûqa navneteweyî û mafên serwer ên dewletan paşguh dike"

Îmîr li ser pakêta "cezayên herî zêde" yên nû yên ku Emrîkayê li dijî Îranê bicîh kiriye, wiha got:

"Rêveberiya Washingtonê bi karanîna rêbazên şantajê yên aborî, hiqûqa navneteweyî û mafên serwer ên dewletan paşguh dike. Bi dehan salan e ku Emrîka bi rêya dorpêçkirina aborî ya dijwar li ser Kubayê, desteserkirina dewlemendî û çavkaniyên neteweyî yên Venezuelayê, û sînordarkirina gihîştina gelê Îranê bo xwarin, derman û pêdiviyên bingehîn, bi awayekî sîstematîk zexta aborî bikar aniye. Welatên ku teslîmî polîtîkayên wê nabin rasterast têne hedefgirtin û hewl tê dayîn ku bi rêya cezayan, bi karanîna hegemonyaya pergala darayî ya cîhanî û dolar, wan bixin çokên xwe."

"Tirkîye di heman demê de hedefa şantajê ya aborî ye"

Îmîr bi bîr xist ku Tirkîye dem bi dem bi tehdîdên rasterast ên Emrîkayê yên mueyîdeyan re rû bi rû maye û got, "Gelek gavên ku divê werin avêtin, ji pîşesaziya parastinê bigire heya sîyaseta derve, ji hêla amûrên şantajê yên aborî yên Rojava ve têne zext kirin; hewl tê dayîn ku bi tehdîdên mueyîdeyan pêşî li biryara serbixwe ya welatê me ya li gorî berjewendiyên xwe were girtin, were girtin."

"Divê em teslîmî zordestiya sizayên Emrîkayê nebin"

Îmîr li dijî bikaranîna hêza darayî ya Emrîkayê wekî çek banga cepheyeke yekgirtî kir û got, "Hemû welatên ku rastî dorpêç û zextên aborî yên yekalî tên, an jî di bin talûkeya rûbirûbûna wan de ne, divê hevgirtineke xurt û cepheyeke yekgirtî nîşan bidin û dev ji tehdîd û şantajê berdin. Ji bo pêşîgirtina li bikaranîna dolarê Amerîkî wekî amûrek tehdîdên bazirganî, divê bikaranîna diravên herêmî di bazirganiya navneteweyî de tavilê were berfirehkirin û divê pergalên dravdanê yên alternatîf bi tesîrdar werin bicîhkirin." (ÎLKHA)