13 oC 
Güneşli
Lêkolîner-Nivîskar Vahdettîn Înceyê ku beşdarî bernameya Mevlida Nebî ya ku ji teref Weqfa Evîndarên Pêxember ve hat lidarxistin bû destnîşan kir ku Hezretî Muhemmed rêberê cîhad û azadiyê ye.
Bi hezaran kesên ji her temenî beşdarî bernameya Mewlida Nebî ya ku ji teref Weqfa Evîndarên Pêxember ve li Stenbolê li Qada Mîtîngê ya Yenîkapiyê bi temaya "Rêberê Cîhadê Hz Muhammed" hat lidarxistin bûn.
Di bernameya Mewlida Nebî ya ku hat tertîpkirin de; Nûnerên tevgerên îslamî yên Tirkiye û welatên cuda yên cîhanê, alim, rûspî, nûnerên gelek rêxistinên sivîl û partiyên siyasî jî beşdar bûn.
Lêkolîner-Nivîskar Vahdettîn Înceyê ku beşdarî çalakiyê bû ji nûçegihanê ÎLKHAyê re bi kurmancî nirxandinan kir.
“Hezretî Muhemmed, rêberê cîhad û azadiyê; rêberê azadiya mezlûm û mexdûra ye”
Înce diyar kir ku jidayikbûna Hz. Muhammed ji bo mirovahiyê girîng e û wiha got:
“Bi vê minasebetê li Stenbolê li dar xistina çalakiyeke wiha em kêfxweş dikin. Ev demeke dirêj e li Stenbolê civîneke wiha hêja û bi nirx nehatibû kirin. Ji ber vê sedemê ez organîzatorên vê çalakiyê pîroz dikim. Hezretî Muhemmed, rêberê cîhad û azadiyê; rêberê azadiya mezlûm û mexdûra ye. Wî rê nîşanî me giştika kiriye. Em gerekê qîmeta wî bizanibin. Divê em her aliyê zayînê, mirinê û rêya wê bizanibin û layîq bin. Ji ber vê yekê ev hevdîtin pir girîng e.”
“Îro dema em Hezretî Muhemmed bi bîr tînin, divê em Xezzeyê jî ji bîr nekin”
Înce bal kişand ser jenosîda li Xezzeyê û ev tişt got, “Tiştekî ku van rojan dilê me diêşîne heye; Û ev jî êrîşên îsraîlê yên li ser Xezzeyê ne. Komkujiyeke mezin tê pêkanîn. Nêzî 40-50 hezar însan şehîd bûn. Bêhtirê kesên ku hatine şehîdkirin zarok û pîrek in. Mirovên sivîl tên qetlkirin. Ji ber vê yekê îro dema em Hezretî Muhemmed bi bîr tînin, divê em Xezzeyê jî ji bîr nekin. Rizgariya Xezzeyê bi şopandina rêya Hz Muhammed pêkan e. Bi hêviya ku çalakiya Mewlida Nebî ji bo azadiya Xezzeyê û tunekirina zaliman bibe duayek.” (ÎLKHA)
Hişyariya Zagonî: Mafên tamamê vîdyo, wêne û xeberên nivîskî yên ku hatine weşandin aîdî Ajansa Nûçeyan a Îlkê ya Şîrketa Hevpar e. Heta ku hevpeymana nivîskî an jî abonetî neyê kirin bi tu sûretî temamê an jî qismekî fotograf, vîdyo û xeberan nikare bên bikaranîn.
Berdevkê HUDA PARê Yunus Emîroglu beşdarî daxuyanîya çapemenîyê ya ku ji teref Serokatîya Navçeya Navenda Çewligê yê HUDA PARê ve hat tertîpkirin bû û di daxuyanîyê de îfade kir ku meseleya Xezzeyê meseleyeke li ser sîyasetê ye.
Li navçeya Ayvacika Çeneqqeleyê 24 koçber hatin qefaltin.
Li Êlihê di sehaya petrolê de karkerek ji ber ku ceryanê pê girt canê xwe ji dest da û du karker jî birîndar bûn.
Partiya DEMê piştî ku rêveberiya Şaredariya Sêrtê girt, biryarek ku wê bertekek mezin a gel bikişîne, girt. Qursa Quranê ya ku zarokên 4-6 salî lê perwerde dibûn ji bo avakirina mala sersaxiyê hat girtin. Ev biryar weke bêhurmetiyeke mezin a li hemberî bawerî û nirxên gel tê binavkirin.
