Kremlîn: Tirkiyeyê serledana endamtiya tam a li BRICSê kir

Alîkarê Serokê Rûsyayê Yuriy Uşakov got ku Enqereyê ji bo endamtiya BRICSê serlêdan kiriye.

Serokê Demî yê BRICSê yê Rûsyayê Yuriy Uşakov di 9emîn Foruma Aborî ya Rojhilat de bersiv da pirsên rojnamevanan.

Uşakov der barê îdiayên ku di van demên dawîn da di rojevê da ye ku dibêjin Enqere ji bo endamtiya BRICSê serlêdan kiriye got, "Tirkiyeyê ji bo endamtiya tam daxwaznameya xwe pêşkêş kir."

Uşakov got ku daxwaza Enqereyê wê ji aliyê welatên BRICS ve bê nirxandin.

Uşakov diyar kir ku Serokkomar Erdogan daweta Rûsyayê ya ji bo beşdarbûna Zîrweya BRICSê ya li Kazana Komara Tatarîstanê qebûl kir û wiha got: "Pêşniyaz ji bo aliyê Tirkiyeyê hat şandin û Erdogan jî qebûl kir."

Zîrweya 16. a BRICS ku bi mazûvaniya Rûsyaya serokatiya demkî tê lidarxistin, wê di navbera 22-24ê Cotmehê de li Kazanê bê lidarxistin. (ÎLKHA)

Hişyariya Zagonî: Mafên tamamê vîdyo, wêne û xeberên nivîskî yên ku hatine weşandin aîdî Ajansa Nûçeyan a Îlkê ya Şîrketa Hevpar e. Heta ku hevpeymana nivîskî an jî abonetî neyê kirin bi tu sûretî temamê an jî qismekî fotograf, vîdyo û xeberan nikare bên bikaranîn.