زەکەریا یاپجیئۆغلو سەرۆکی گشتی هودا پار، پەیامێکی ئاراستەی مەسرور بارزانی سەرۆکی حکومەتی هەرێمی کوردستان کرد سەبارەت بە هێرشەکەی سەر نووسینگەکەی و بە توندی ئیدانەی هێرشەکەی کرد.

زەکەریا یاپجیئۆغلو سەرۆکی گشتی هودا پار پەیامێکی ئاراستەی مەسرور بارزانی سەرۆکی حکومەتی هەرێمی کوردستان کرد سەبارەت بە هێرشەکەی درۆنی لە ١٧ی ئاب بۆ سەر نووسینگەکەی لە پیرمام و بە توندی ئیدانەی هێرشەکەی کرد.

یاپجیئۆغلو باس لە دڵگرانی و غەمگینی خۆی بەهۆی هێرشەکە کرد و وتی، "بە توندی ئیدانەی ئەم هێرشە دەکەم کە ئێوە و دامودەزگاکانی حکومەتی هەرێمی کوردستان دەکاتە ئامانج. دڵنەواییە کە لە هێرشەکەدا هیچ زیانێکی گیانی نەبووە."

یاپجیئۆغلو جەختی لەوە کرد کە دژی هەموو جۆرە هێرشێکن کە ئارامی و سەقامگیری ناوچەکە تێکدەبات و وتی، "ئێمە پێمان وایە کە کێشەکان بە گفتوگۆ و لێکتێگەیشتنی یەکتر و شێوازی ئاشتیانە چارەسەر بکرێن نەک بە شەڕ و توندوتیژی."

یاپجیئۆغلو لە بەردەوامی باس لە هیوای خۆی کرد بۆ هەرچی زووە دۆزینەوە و دەستبەسەرکردنی بکەرانی هێرشەکە و وتی، "هیوادارین پەردەی نهێنی دەوری ئەم هێرشە هەڵبگیرێت و بە زووترین کات تاوانباران بدرێنە دادگا. بەم بۆنەیەوە داوای سەڵامەتی ئاراستەی حکومەتی هەرێمی کوردستان و خەڵکی برای کوردستان دەکەین لە ڕێگەی ئێوەوە."(İLKHA)