بیامین نەتانیاهۆ کە بەناو سەرۆک وەزیرانی رژێمی داگیرکەری سەهیۆنی باسی لەوە کرد کە لە "شەڕی وجودی"دانە و پێویستیان بە چەکی ئەمریکا هەیە.

بنیامین نەتانیاهۆ بەناو سەرۆک وەزیرانی رژێمی داگیرکەری سەهیۆنی بەهۆی دواکەوتنی ناردنی چەک لە لایەن ئەمریکا گڵیدار بوو و وتی، "من ئامادەم بەرگەی هێرشی کەسی بگرم تا ئەو کاتەی ئیسرائیل ئەو چەکانەی کە پێویستیانە لە ئەمریکا لە شەڕی وجودی خۆیدا وەربگرێت."

نەتانیاهۆ رۆژی سێشەممە گرتەڤیدیۆیێک بە زمانی ئینگلزی بڵاو کردبوو و وتبووی کە "ئەنتۆنی بلینکن وەزیری دەرەوەی ئەمریکا دڵنیایی دا بە ئیدارەی جۆ بایدن سەرۆک کۆمار کە سنووردارکردنی ناردنی چەک بۆ ئیسرائیل هەڵبوەشێنێتەوە، بەڵام بلینکن ڕەتیکردەوە ئەمە پشتڕاست بکاتەوە" و نەناردنی چەک لە لایەن ئەمریکاوە بۆ رژێمی داگیرکەر بە "بێ مەنتقی" وەسف کردبوو.

جۆن کربی وتەبێژی ئەنجومەنی ئاسایشی نیشتیمانی ئەمریکا راگەیەندراوەکانی نەتانیاهۆی داگیرکەری بە نائومێدکەر وەسف کردبوو و وتبووی کە "هیچ وڵاتێکی تر نییە لە ئێمە زیاتر یارمەتی ئیسرائیل بدات بۆ بەرگریکردن لە خۆی بەرامبەر هەڕەشەی (حەماس)."(İLKHA)