کۆمپانیای ئارامکۆی سعوودی، کۆمپانیای نیشتمانی نەوتی سعوودیە، لە مانگی تشرینی یەکەمی ڕابردوودا، دوای پەککەوتنی هێڵی بۆری ڕۆژهەڵات-ڕۆژئاوا، نەوتی خاو ناگەیەنێتە لانیکەم دوو پاڵاوگەی ئەوروپا.

بەهۆی پچڕانی هێڵی بۆری ڕۆژهەڵات بۆ ڕۆژئاوا، کە کێڵگە نەوتییەکانی ڕۆژهەڵاتی سعودیە بە بەندەری یەنبوع لە کەناراوەکانی دەریای سوورەوە دەبەستێتەوە، کۆمپانیای ئارامکۆی سعوودی ناردنی نەوت بۆ بەشێک لە کڕیارانی ئەوروپی ڕادەگرێت.

کۆمپانیای ئارامکۆ ڕایگەیاند کە لە مانگی تشرینی یەکەمدا نەوتی خاو ناگەیەنێتە لانیکەم دوو پاڵاوگەی ئەوروپا. بەپێی زانیارییەکان بڕیارەکە ئەو کڕیارە ئەوروپییانە دەگرێتەوە کە بە بەردەوامی نەوتی سعوودیە بە پێی گرێبەستی دابینکردنی درێژخایەن وەردەگرن.

سعوودیە لە دوای هێرشی فڕۆکەی بێفڕۆکەوان لە ١٠ی ئەیلول، بەشێک لە بۆریی ڕۆژهەڵات-ڕۆژئاوای لە ناوچەی ڕیاز و مەدینە داخست.

داخستنی کاتی بۆرییەکە کێشەیەکی لۆجستیکی بەرچاو بۆ ناردنی نەوتی سعودیە بۆ ئەوروپا دروست دەکات. پاڵاوگەکانی ئەوروپا تا ڕادەیەکی زۆر نەوتی سعودیە لە ڕێگەی گرێبەستی ئاسایی و پێشوەختەوە بەدەست دەهێنن.(İLKHA)