13 oC 
Güneşli
حەماس ڕایگەیاند، هەنگاوی بەرپرسانی رژێمی داگیرکەری تیرۆریست لە داخستنی مزگەوتی ئیبراهیمی بە ڕووی نوێژخوێناندا دەستدرێژییەکی ئاشکرایە بۆ سەر حورمەت و ناسنامەی ئەم شوێنە پیرۆزە.
بزووتنەوەی خۆڕاگری ئیسلامیی حەماس جەختی لەوە کردەوە کە ئەم هەنگاوە لە چوارچێوەی سیاسەتێکی ڕێکخراودا ئەنجام دەدرێت کە پیرۆزییە ئیسلامییەکانی کردووەتە ئامانج و لە هەوڵی سەپاندنی واقیعگەلێکی نوێ و مەترسیداری بەجوولەکەیکردندایە بەسەر ئەم شوێنانەدا.
بزووتنەوەی حەماس وێڕای هۆشداریدان لەبارەی بەردەوامبوونی ئەم دەستدرێژییە مەترسیدارانەی کە هەنگاوەکانی دژی مزگەوتی ئەقسا و مزگەوتی ئیبراهیمی لە سەروویانەوەن، داوای لە کۆمکاری عەرەبی، ڕێکخراوی هاریکاریی ئیسلامی و هێزە کاریگەرەکانی جیهانی عەرەبی و ئیسلامی کرد، بۆ ڕاگرتنی دەستبەجێی ئەم هەنگاوانە، پاراستنی پیرۆزییەکان و مسۆگەرکردنی مافی موسڵمانان بۆ گەیشتن بەم شوێنانە و بەجێگەیاندنی ڕێوڕەسمە ئایینییەکانیان تێیاندا، هەنگاوی بەپەلە بنێن.
حەماس جەختی کردەوە، "سەرجەم هەوڵەکانی رژێمی داگیرکەر بۆ بەئامانجگرتنی پیرۆزییە ئیسلامی و مەسیحییەکان لە پێناو سەپاندنی ناسنامە ساختەکەی خۆیدا، شکست دەهێنێت."
حەماس هەروەها ڕایگەیاند، "دوژمنی تاوانکار و کردەوەکانی لەناودەچن و گەلی فەلەستینیش هەمیشە پابەندی خاک، پیرۆزییەکان و مافی ڕەوای خۆی بۆ دیاریکردنی چارەنووسی دەمێنێتەوە."(İLKHA)
ئاگاداری: مافی له به رگرتنه وه ی بابه ته كانی ئیلكھه، پارێزراون ھه واڵی نوسراو، وێنه، ڤیدیۆ، به ھه مو جۆرێكیان، بۆ به ده ست ھێنان پێویسته نوسراو له نێوانمان ھه بێت یان به ڕه زامه ندی ئێمه بێت، پێچه وانه كه ی به ر پرسیاره تی یاسای تیایه
حەماس، بڕیاری حکوومەتی ئەمریکای بۆ نەدانی ڤیزەی چوونەژوورەوە بە شاندی فەلەستینی بەرەو نیویۆرک بە مەبەستی بەشداریکردن لە دانیشتنی کۆمەڵەی گشتیی نەتەوە یەکگرتووەکان، سەرکۆنە کرد.
لە ئەنجامی هێرشەکانی رژێمی داگیرکەر بۆ سەر خان یونس ٥ فەلەستینی بریندار بوون.
لە ئەنجامی شەڕێک لە باکووری ڕۆژئاوای وڵاتی پاکستان ٦ سەرباز و ٨ چەکدار گیانیان لەدەستدا.
