نزیکەی دوو هەفتە لەمەوبەر لە هەڵمەتی داگیرکەرانی سەهیۆنی بۆ سەر زیندانیانی غەززەیی لە زیندانی نەقەب، بەندکراوێکی پزیشک بە ٣ گولڵەی پلاستیکی تەقەی لێ کراوە و زیندانییەکی دیکەش تووشی شکانی قاچی کەوتووە و ژمارەیەکی کەسی دیکە بریندار بوون.

نووسینگەی ڕاگەیاندنی زیندانیانی فەلەستین ئەمڕۆ ڕایگەیاند کە ژمارەیەکی زۆر لە زیندانییەکان لە کاتی هەڵکوتانە سەر زیندانیانی غەززە لە زیندانی نەقەب بریندار بوون.

نووسینگەکە ئاماژەی بەوەشکردووە، لەنێو بریندارەکاندا پزیشکێکی غەززەیی هەیە کە بە دیل گیراوە، کە بە ٣ فیشەکی پلاستیکی تەقەی لێکراوە. زیندانییەکی دیکە بە دار لێی دراوە و لە ئەنجامدا بڕبڕەی پشتی شکاوە.

لە بەیاننامەکەدا هاتووە، هێزەکانی داگیرکەر سەگیان بەسەر زیندانیانی غەززەییدا ئازاد کردووە، دواتر ناچاریان کردووە لەسەر زەوی پاڵکەون و لێیان دەدەن.

نووسینگەی ڕاگەیاندنی زیندانیانی فەلەستین، دەسەڵاتدارانی داگیرکەری سەهیۆنی لە سەلامەتی زیندانیانی غەززە بەرپرسیار کرد و داوای لە کۆمەڵگەی نێودەوڵەتی کرد بەپەلە دەستوەردان بکەن بۆ ڕاگرتنی ئەو هەڵمەتانە و لێپرسینەوە لە بەرپرسان.(İLKHA)