لە تایلەند لافاوێکی توند کە بەهۆی بارانبارینی بەخوڕەوە لە ماوەی ١٠ ڕۆژی ڕابردوودا بووەتە هۆی گیانلەدەستدانی ٨ کەس و زیاتر لە ٥٤٥ هەزار کەس لە سەرانسەری ٢٥ پارێزگادا کاریگەرییان لەسەر دروستکردووە.

بەپێی ئامارەکانی بەشی خۆپاراستن و کەمکردنەوەی کارەساتەکانی تایلەند (DDPM)، زیاتر لە ٥٤٥ هەزار کەس کاریگەری بارانبارینی بەخوڕ لەسەریان هەبووە و لە ماوەی ١٠ ڕۆژی ڕابردوودا ٨ کەس بەهۆی لافاوەوە گیانیان لەدەستداوە.

بەپێی بەیاننامەیەکی DDPM، نزیکەی ٥٢ هەزار ماڵ لە بانکۆکی پایتەخت کە ٥٠ قەزای وەک ناوچەی کارەساتبار ناسێنراون، بەهۆی لافاوەکەوە زیانیان بەرکەوتووە و نزیکەی ٥ هەزار کەسیش بەهۆی لافاوەکەوە گواستراونەتەوە بۆ شوێنی حەوانەوە.

چادچارت سیتیپونت، پارێزگاری بانکۆک ڕایگەیاند، هەوڵەکانی ئاوەڕۆ خێراتر دەبن ئەگەر باران بارینەکان بوەستێت، بەڵام بەهۆی ئەوەی ئاو لە بەرزاییە بەرزەکانەوە دەڕژێت، دەکرێت چەند ڕۆژێکی پێبچێت تا ئاوەکە بە تەواوی لە هەندێک ناوچەی شارەکەوە دەربچێت.

دەسەڵاتداران داوایان لە هاوڵاتیان کردووە پابەندی هۆشدارییە فەرمییەکان بن و دووربکەونەوە لە شوێنە مەترسیدارەکان و ئەگەر فەرمانی چۆڵکردنیان پێدرا دەستبەجێ بچنە شوێنە ئارامەکان.(İLKHA)