Berdevkê Tûgayên Şehîd Îzzeddîn El Qassam Ebû Ubeyde bang li heciyên ku diçin Kabeyê kir ku Xezzeyê bi bîr bînin û destnîşan kir ku hecê firsend e ku rastiya Xezzeyê bînin bîra gelê Îslamê.

Ebû Ubeyde li ser kanala Telegramê daxuyanî da û bang li heciyên ku diçin Kabeyê kir ku bila birayên xwe yên li Xezze û Filistînê li cihên pîroz û di merasîma hecê de bi duayên ji dil û can bi bîr bînin û di van demên mezin û pîroz de bila Xezzeya ku mirovên sebir û mucahîd in bi bîr bînin.

Ebû Ubeyde di peyama xwe de weha got:

“Dema ku mêvanên Rehman wecîbeya hecê bi cih tînin, em jî li ser navê ummeta Îslamê li dijî zalimên îşxalker, dijminên Xweda wecîbeya cîhadê bi cih tînin.

Tofana Eqsayê ji bo mabeda me ya pîroz (Mescîdî Eqsa) ya sêyem hat destpêkirin û ziyareta hecê derfetek e ku em rastiya têkoşîna me ya bi dijminê xwe re bînin bîra du milyar civaka misilman; Ji ber ku dijminê me her roj cihê ku Pêxemberê me Îsra û Mîraca xwe lê kiriye binpê dike, li wir fesadiyê dike, zirarê dide mîrateya wî, wêran dike û Cihûtiyê dike.” (ÎLKHA)