Bi milyonan kesan li Yemenê jidayikbûna Pêxember pîroz kirin
13 oC
13 oC
Güneşli
13 oC
Güneşli
Li Yemenê, bi mîlyonan kes salvegera jidayikbûna Hezretî Muhammed li meydanên giştî yên gelek bajaran, bi taybetî li Sanayê, pîroz kirin.
Li paytexta Yemenê, Sana û li meydanên navendî yên gelek bajarên Yemenê, ji bo bîranîna salvegera jidayikbûna Hezretî Muhamemd, mîtîngên girseyî bi beşdariyeke berfireh ji komên cuda hatin lidarxistin.
Dema ku beşdar di saetên sibehê de dest bi gihîştinê kirin, meydana Koleja Leşkerî bi taybetî ji bo jinan hatibû veqetandin.
Alên kesk û spî, pankartên ku hezkirina xwe ji bo Hezretî Muhammed nîşan didan û wêneyên serokên tevgera Ensarullah li meydanan hatin daliqandin.
Çalakî beşên dînî, îlahî û helbestan, û her wiha performansên herêmî hewand. Xelkê Yemenê di xwepêşandanan de dirûşmeyên şermezarkirina Emrîka û rejîma îşxalker qîr kirin.
Di axaftina xwe ya di çalakiyê de, rêberê Ensarullahê Ebdulmelîk Bedredîn Hûsî tekezî li ser piştgiriya berdewam a tevgerê ji bo gelê Filistînê kir û diyar kir ku Yemen ji bo piştgiriya Filistîniyan û berxwedana li dijî tiştê ku ew wekî projeya dagirkeriyê ya Amerîkî li herêmê bi nav dike, pabend e.
Hûsî pêşketinên li Filistîn, Îran, Lubnan, Sûrîye û Yemenê wekî beşek ji rêyeke herêmî ya berfirehtir a ku armanc dike hevsengiya hêzê li herêmê biguherîne, didît.
El-Hûsî her wiha tekezî li ser pabendbûna tevgerê bi "yekîtiya li qadê" û hevrêziya di navbera hêzên ku li dijî dagirkeriya sîyonîst derdikevin kir û destnîşan kir ku piştgiriya ji bo berxwedana Filistînî û Lubnanî ew ê berdewam bike. (ÎLKHA)
Hişyariya Zagonî: Mafên tamamê vîdyo, wêne û xeberên nivîskî yên ku hatine weşandin aîdî Ajansa Nûçeyan a Îlkê ya Şîrketa Hevpar e. Heta ku hevpeymana nivîskî an jî abonetî neyê kirin bi tu sûretî temamê an jî qismekî fotograf, vîdyo û xeberan nikare bên bikaranîn.
Li Zîmbabweyê, di encama lihevketina mînîbusekê û qamyoneke barhilgir de 27 kes mirin.
Îranê ragihand ku hêzên wan li rojhilatê Tengava Hurmuzê droneke din a Amerîkî ya bi tîpa MQ-9 Reaper xistine xwarê.
Danîmarka piştî 14 salan balyozxaneya xwe li Şamê ku di sala 2012an de ji ber şerê navxweyî yê Sûriyeyê girtibû ji nû ve vekir.
Banka Navendî ya Efxenistanê ragihand ku wê par zêdetirî 2.5 milyar banknotên kevin ên bi qîmeta zêdetirî 2.5 milyar Efxenîyên Efxenî (nêzîkî 38.5 milyon dolarê Amerîkî) berhev kirin û ji holê rakirin.
