Dîmenên ku serokê nû yê serwîsa îstîxbarata derve yê rejima sîyonîst Mossadê Romen Gofman ku di 7ê Cotmeha 2023yan de ji Tûgayên Qessam direvîyabû dîsa bû rojev. Vîdeoya ku hat avêtin di nav îşxalkeran de bû sedema nîqaşên mezin

Di vîdeoya ku ji teref çapemenîya rejima sîyonîst ve hatîye weşandin de tê dîtin ku Serokê Mossadê Romen Gofman di saetên ewil ê Tofana Eqsayê de di pevçûna ku bi micahîdên Qessam re ketîye de baz dide û direve. Ev vîdeo bi taybetî li ser platforma medyaya civakî dengekî mezin anîti rojevê.

Çapemenîya rejima sîyonîst, wê demê jî rast kiribû ku Gofman bi birîndarî ji pevçûnê direve û diçe Nexweşxaneya Barzilaiyê.

Netenyahu çend roj berê got ku ew Gofmanê anîtîye ser serê Mossadê. Ev biryar jî bû sedema nîqaşan û hinek vîdeoyê parve kirin û gotin, “Demên mirovê ku li ser qoltixa herî krîtîk a rejima sîyonîst ew ê rûnê ji şervanê Qessam direve” û hinek jî bi navê “Mirovê pê şerm dike” vîdeoyê parve kirin.

Hinek veberhêneran îfade dikin ku serê ewil şervanên Qessam nizanin ku ew Gofman e, lê dema ku haya wan jê çêdibe didin pey û Gofman ji nigê xwe birîndar dibe û ji herêmê dûr dikeve.

Ji teref hinek mirovan ve ev hat parvekirin, “Demên dîrokî yên ku rastîya sehayê nîşan dide.” (ÎLKHA)