Sekreterê Konseya Bilind a Ewlekariya Neteweyî ya Îranê, Muhsîn Rezayî, got ku stratejiya nû ya Îranê di warên şer, dîplomasî û aboriyê de ew ê di demek nêzîk de bingehên Emrîkayê hilweşîne.

Generalê mezin Muhsîn Rezayî li ser platforma X di bersivdayîna êrîşên kujer ên ku ji aliyê Emrîkayê ve di şevekê de hatin kirin de hişyariyek da.

Li gorî IRNAyê, Serleşker Rezayî gotiye, "Bi van têkoşînan, hûn ê nikaribin ji kûrahiya cehennemê ku we ji xwe re çêkiriye birevin; berevajî vê, hûn ê di demek nêzîk de bibînin ku stratejiya nû ya Îranê di meydana şer, dîplomasiyê û di şerê li dijî dorpêça aborî de ew ê bingehên we hilweşîne."

Di destpêka rojê de, Fermandariya Navendî ya Emrîkayê, di daxuyaniyekê de li ser Platforma X, got ku hêzên wan "bi serkeftî rêze êrîş li dijî hedefên leşkerî yên Îranê temam kirine", û behsa "hewldanên dawî yên Pasdarên Şoreşa Îranê yên ji bo êrîşkirina li ser keştîyên bazirganî û leşkerên Amerîkî li Tengava Hurmuz" kir.

Li hember vê yekê, Îranê êrîşî baregeh û milkên Amerîkî yên li Urdun, Kuweyt, Behrêyn, herêma Kurdistanê û Emîrtiyên Yekbûyî yên Erebî kir. (ÎLKHA)