Tevgera berxwedana Îslamî ya Hamasê tekez kir ku ew pabendî rêkeftina ku bi navbeynkar û Konseya Aştiyê re derbarê nexşerêya temamkirina pêkanîna merhayela duyemîn a rêkeftina agirbestê li Xezzeyê de hatiye kirin in.

Hamasê ciddiyeta xwe ya derbarê pêkanîna berpirsiyarane ya 15 maddeyên li ser lihevkirî de dubare kir û diyar kir ku wan ji bo pêkanîna wan demek diyarkirî destnîşan kiriye.

Hamasê di daxuyaniya xwe de diyar kir ku di vê merhaleyê de divê pêşîniya wê ew be ku hemû merhale û şertên peymanê werin bicîhanîn, agirbestek tam were garantîkirin, êrîşên li dijî nifûsê bi dawî bibin, vekişîn temam bibe, xalên derbasbûnê werin vekirin, alîkarî û materyalên stargehê werin bikaranîn, pêvajoya ji nû ve avakirinê were destpêkirin û Komîteya Neteweyî bikaribe wezîfeyên xwe bicîh bîne.

Tevgerê bang li navbeynkar, garantor û Konseya Aştiyê kir ku mesulîyetîyên xwe bi cih bînin, piştrast bikin ku hemî alî pabendî şertên lihevkirî ne, û pêşî li her binpêkirin an îxlalkirinek ku dê pêvajoya bicîhanînê têk bibe an peymana agirbestê qels bike bigirin, û tekez kir ku ew ê bi awayekî erênî û berpirsiyar beşdarî hewildanên temamkirina pêkanîna peymanê bibe bi awayekî ku êşa gel bi dawî bike û maf û berjewendiyên wan ên neteweyî biparêze. (ÎLKHA)