Mezlûm Ebdî, fermandarê giştî yê Hêzên Sûrîya Demokratîk (HSD/YPG), ragihand ku rêxistin û Rêveberiya Xweser hatine hilweşandin û bi saziyên dewletê ve hatine entegrekirin.

Ebdî, di daxuyaniya xwe de bi fermî ragihand ku li gorî rêkeftina ku bi Serokkomarê Sûrîyeyê Ehmed El Şera re hatiye kirin, rêxistin hatiye fesihkirin û hêmanên wê yên leşkerî û sivîl di saziyên dewletê û artêşa Sûrîyeyê de hatine entegrekirin.

Ebdî her wiha piştrast kir ku statuya serbixwe ya van avahiyan hatiye rakirin.

Ebdî di civîneke çapemeniyê de ku li Qesra Gel a li paytext Şamê hate lidarxistin, diyar kir ku ev daxuyanî piştî lihevkirinek bi Ehmed El Şera re û temamkirina entegrekirina hêzan di nav tûgayên artêşa Sûrîyeyê de hat.

Di vê çarçoveyê de, Ebdî tekez kir ku welat derbasî merhaleyeke nû bûye ku li ser bingeha aştî û avakirina "Sûrîyeyeke nû" ye, û bi vê yekê re, mîsyona HSDê wekî yekîneyeke leşkerî ya serbixwe bi fermî bi dawî bûye.

Di 29ê Çileya 2026an de di navbera Şam û SDF/YPGê de peymanek hat îmzekirin ku tê de saziyên îdarî yên xweser, hêzên leşkerî û ewlehiyê di nav saziyên dewleta Sûrîyeyê de hatin entegrekirin. Ev peyman piştî têkiliyên ku piştî pevçûnên li bakur û rojhilatê Sûrîyeyê di destpêka salê de û bi navbeynkariya Emrîkayê hatin danîn, hat bidestxistin. (ÎLKHA)