Belavbûna şewba koler û sorikan li wîlayeta Kordofana Bakur a Sûdanê, digel kêmbûna giran a xwarin û pêdiviyên bingehîn ên tenduristî, krîzek mirovî ya mezin li herêmê diafirîne.

Tora Doktorên Sûdanê ragihand ku zêdetirî 200.000 kes di bin talûkeya mirinê de ne.

Li gorî nirxandinê, nêzîkî 200.000 kesên ku li wargehên rojavayê Barayê dijîn, ji ber nexweşiyan û nebûna pêdiviyên bingehîn di şert û mercên dijwar de ji bo jiyanê têdikoşin.

Li gorî daneyên saziyên tenduristiyê, di nav zarokan de zêdetirî 100 bûyerên sorikê hatine tespîtkirin, di heman demê de herî kêm 45 bûyerên kolerayê li herêmê hatine tomarkirin. Li gorî raporê, xizmetên tenduristiyê nebaş in, û gelek navend kêmasiya derman û alavên bijîşkî dijîn.

Di daxuyaniyê de hat destnîşankirin ku hinek navendên tenduristiyê, wekî nexweşxaneyên Taybe ez-Zeatari û Umm Kureydim, bêyî pêdiviyên tenduristî yên bingehîn di peydakirina xizmetên pêwîst de zehmetiyan dikişînin. Tê tekez kir ku pirsgirêkên dabînkirinê yên berdewam pêvajoyên dermankirinê asteng dikin û kontrolkirina şewban dijwartir dikin. (ÎLKHA)