Mirinên ji ber Ebolayê zêde dibe: Hejmar gihîştiye 1926an
13 oC
13 oC
Güneşli
13 oC
Güneşli
Komara Demokratîk a Kongoyê (DRC) ragihand ku hejmara giştî ya nexweşên Ebolayê gihîştiye 1926 kesan û hejmara kesên canê xwe ji dest dane jî gihîştiye 702 kesan.
Wezareta Tenduristiyê ya Komara Demokratîk a Kongoyê diyar kir ku rêjeya mirinê ya giştî ji ber pandemiyê ji sedî 36.4 e.
Hate ragihandin ku vîrusa Ebolayê tesîrê li herêmên Haut-Uele, Ituri, Kivuya Bakur, Kivuya Başûr û Tscho kiriye.
Di daxuyaniyê de hat gotin ku bi giştî hejmara kesên di çarçoveya pandemiyê de gihaştiye 1926an, hejmara nexweşên ku li navendên îzolasyonê û nexweşxaneyan têne dermankirin 753, hejmara kesên baş bûne gihaştiye 318an û hejmara mirinan jî gihaştiye 702yan.
Rayedaran diyar kirin ku ji bo pêşîgirtina li belavbûna pandemiyê, çavdêriya çalak, teşhîsa zû û hewldanên şopandina nexweşan berdewam dikin.
Hate diyarkirin ku çalakiyên hevrêziyê yên ku di asta neteweyî û herêmî de têne kirin jî hatine xurtkirin. (ÎLKHA)
Hişyariya Zagonî: Mafên tamamê vîdyo, wêne û xeberên nivîskî yên ku hatine weşandin aîdî Ajansa Nûçeyan a Îlkê ya Şîrketa Hevpar e. Heta ku hevpeymana nivîskî an jî abonetî neyê kirin bi tu sûretî temamê an jî qismekî fotograf, vîdyo û xeberan nikare bên bikaranîn.
Wezareta Tenduristiyê ya Xezzeyê ragihand ku di 24 saetên dawî de di êrîşên rejîma sîyonîst de du Filistîniyên din şehîd bûne û 21 kes jî birîndar bûne. Bi vê yekê, jimara giştî ya şehîdan li Xezzeyê ji 7ê Cotmeha 2023an vir ve gihîştiye 73 hezar û 233 kesan û jimara birîndaran jî gihîştiye 173 hezar û 707 kesan.
Filistîniyên ku li dijî êrîşa niştecihên sîyonîst li ser bajarokê Kafr Harîth li herêma Salfît a Şerîaya Rojava nerazîbûn nîşan dan, hewl dan pêşî li êrîşê bigirin. Li gorî agahiyan, di dema pevçûnan de du niştecihên sîyonîst bi kevirên ku hatine avêtin birîndar bûne û niha dermankirina wan tê kirin.
Wezîrê Parastinê yê rejîma sîyonîst îsraîl Katz, di serdana xwe ya bakurê Xezzeyê de diyar kir ku wêraniya li herêmê "encama sîyaseteke plankirî" ye. Katz got ku dema wêraniya li Xezzeyê dîtiye "xwe baş hîs kiriye" û planên avakirina sê wargehên leşkerî yên nû li bakurê herêmê ragihand.
