Neteweyên Yekbûyî hişyarî da ku bi nêzîkbûna zivistanê re, talûkeyên tenduristiyê yên ji bo Xezzeyên ku ji aliyê îşxalkerên sîyonîst ve hatine koçberkirin zêde dibin.

Berdevkê Sekreterê Giştî yê NY Stephane Dujarric, bi bîr xist ku Dîrektorê Giştî yê Rêxistina Tenduristiyê ya Cîhanê (WHO) Tedros Adhanom Ghebreyesus, li ser pirsgirêkên tenduristiya giştî yên ku Filistîniyên li Xezzeyê wê bi nêzîkbûna zivistanê re rû bi rû bimînin, axivî.

Dujarric diyar kir ku Filistînî neçar in ku di kampên çadiran ên pir qerebalix de bijîn, û got, "Dr. Tedros hişyarî da ku pergala tenduristiyê ya Xezzeyê ya ku jixwe qerebalix e dê nikaribe pêla nû ya nexweşî û janan hilgire."

Dujarric destnîşan kir ku bi hatina zivistanê û barana li Xezzeyê, ku di bin dorpêça rejîma sîyonîst de ye, ava lehiyê dikare kanalîzasyon û ava qirêj li deverên qerebalix belav bike, û metirsiya nexweşiyan zêde bike. Ji ber vê yekê, wî diyar kir, Ghebreyesus banga "zêdekirina gihîştina alavên laboratîf û teşhîsê yên sînorkirî, dermanên bingehîn, alavên rehabîlîtasyonê û xizmetên tenduristiya giştî" kir.

Dujarric diyar kir ku NY û hevkarên wê yên mirovî yên li Xezzeyê di amadekariyên wan ên ji bo demsala baranê de piştgiriyê didin Filistîniyan, lê ji bo ku ev piştgirî têr be, bi lezgînî pêdivî bi çavkanî û gihîştina bêtir heye. (ÎLKHA)