Rûsyayê bi mûşekên balîstîk û dronan şevekê êrîşî Kîevê paytexta Ukraynayê kir. Di êrîşê de du kes hatin kuştin, herî kêm 12 kes birîndar bûn û gelek xanî û depo jî zirarê dîtin.

Rûsyayê roja Çarşemê di saetên serê sibehê de bi mûşekên balîstîk êrîşî paytexta Ukraynayê Kîev kir.

Li gorî daxuyaniyek ji Rêveberiya Leşkerî ya Kîevê, êrîşên ku bi mûşekên balîstîk û dronan hatine kirin, zirarê dane avahiyên niştecihbûnê û gelek depoyan. Di êrîşê de du kes hatin kuştin û herî kêm 12 kes birîndar bûn.

Hêza Hewayî ya Ukraynayê ragihand ku mûşekên balîstîk herî kêm du aliyên cuda ber bi paytextê ku nifûsa wê nêzîkî 3 milyon e, hatine avêtin.

Şaredarê Kyivê Vitaliy Klitschko diyar kir ku piştî êrîşê di avahiyek apartmanan a 20 qatî de agir derketiye, ku bi îhtîmaleke mezin ji ber êrîşa mûşekî çêbûye. Klitschko her wiha got ku hin depoyên li bajêr bûne hedef. (ÎLKHA)