Balafirgeha Lazqîyeyê ketiye bin kontrola Desteya Hewayî ya Sivîl a Sûrîyeyê.

Desteya Hewayî ya Sivîl a Sûrîyeyê ragihand ku rêveberiya Balafirgeha Lazqîyeyê îro radestî rayedarên Sûrîyeyê hatiye kirin.

Di daxuyaniyê de hate destnîşankirin ku merhaleya din wekî ji nû ve avakirina balafirgehê hatiye plankirin da ku careke din bikaribe mazûvaniya seferên navneteweyî bike.

Wezareta Derve ya Sûrîyeyê di heman rojê de ragihand ku Moskova û Şamê derbarê pêşeroja baregehên leşkerî yên Rûsyayê de peymanek îmze kirine. Li gorî belgeyê, "hemû tesîsên sivîl, tevî balafirgeha Hmeymimê, ku Balafirgeha Lazqîyeyê lê ye, wê di nav sê mehan de bikevin bin kontrola hikûmeta Sûrîyeyê."

Di heman demê de, Wezîrê Karên Derve Esed Şeybanî û şandeya pê re serdaneke meydanî li Balafirgeha Lazqîye û Bendergeha Tartusê kirin. Di vê serdanê de, wan tesîs û binesaziyên ku di mutebeqeta têgihîştinê ya di navbera Sûrîye û Rûsyayê de hatine îmzekirin, lêkolîn kirin. (ÎLKHA)