Komîserê Giştî yê Ajansa Îskan û Alîkarîya Penaberên Filistînî yên li Rojhilata Nêz a Neteweyên Yekbûyî (UNRWA) Philippe Lazzarini, destnîşan kir ku ji sê hefteyî zêdetir e alîkarîya însanî nakeve nav Xezzeyê, Lazzarînî îfade kir ku li Xezzeyê rîska belavbûna birçîbûnî û nexweşîyan zêde bûye.

Lazzarînî, diyar kir ku ji serê herbê vir ve ji têketina alîkarîyê re îzîn nehatîye dayîn û di vê demê de ev bû demeke dirêj e alîkarî neketîye nav Xezzeyê.

Philippe Lazzarini, destnîşan kir ku li Xezzeyê rîska belavbûna birçîbûnî û nexweşîyan zêde bûye û bomberdman jî berdewam dike, “Ji Xezzeyê re ji sê hefteyan zêdetir e tu alîkarîyeke însanî neketîye hindir. Ev, wext jî li gorî wexta destpêka herbê vir ve dema herî dirêj e. Bav, ji zarokên xwe re nikarin tiştekî xwarinê bibînin, nexweş jî nikarin dermanan peyde bikin. Li Xezzeyê fîyer jî zêde bûne.”

Philippe Lazzarini got, “Hefteya borî roja herî bixwîn a ku di 1,5 salê dawîn de pêk hatîye bû.” Di vê pêvajoyê de 8 xebatkarên ajansê di encama gulereşandinê de li Xezzeyê canê xwe ji dest dan.

Lazzarînî, diyar kir ku hefteya borî pîrek û zarok jî di nav de ji 500î zêdetir mirov hatine kuştin, ji ber emra tehlîyeya rejima îşxalê ji 140 hezarî zêdetir mirov ji cîhê xwe bûne.

Komîserê Giştî yê UNRWAyê Lazzarini, bang kir ku bila dorpêç bê rakirin, têketinên amûrên bazirganî û alîkarîya însanî ji nû ve dest pê bike, bomberdman bisekine û agirbest ji nû ve kir. (ÎLKHA)