Serokê Giştî yê Weqfa Êtîman Fîkrî Karavîl, ji bo vekolîna merhaleya duyemîn a avakirina kompleksa êtîmxaneyan û ji bo lidarxistina çend civînan, rêze serdanan li Efxenistanê kir.

Weqfa Êtîman, ku alîkarîyê dide zarokên bê dê û bavan, bê navber xebatên xwe didomîne.

Serokê Giştî yê Weqfa Êtîman Fîkrî Karavîl, ji bo ku bi awayekî rasterast çavdêriya xebatên weqfê bike û rêze hevdîtinan li dar bixe, serdana Efxenistanê kir. Di serdana xwe de, wî avakirina stargehê kontrol kir. Karavîl ji rayedarên şîrketa peymankar agahî wergirt. Di hevdîtinan de, hate gotin ku xaniyê mamosteyan, ku wekî beşek ji merhaleya duyemîn tê çêkirin, û klînîka ku ew ê gihîştina xizmetên tenduristiyê ji bo malbatên hewcedar ên li dora stargehê dijîn peyda bike, bi lez pêşve diçin û xebat li gorî planê didomin. Şîrketa peymankar diyar kir ku tê texmînkirin ku merhaleya duyemîn di nav nêzîkî sê mehan de biqede.

Di şert û mercên dijwar ên Efxenistanê de, ev projeya ku ne tenê ji bo zarokên bêbav, lê di heman demê de ji bo nifûsa herêmî jî hêvî dide, roj bi roj mezin dibe û çarçoveya xwe berfireh dike. Piştî temamkirina merhaleya duyemîn, merhaleya sêyemîn avakirina wargeh û tesîsên werzîşê vedihewîne, û merhaleya çaremîn û ya dawîn ew ê li ser avakirina atolyeyên perwerdehiya pîşeyî bisekine. Armanc ne tenê malek ewle lê di heman demê de perwerdehiyek, pîşeyek û hêviyek ji bo pêşerojê jî ji bo zarokan peyda bike.

Piştî nirxandina xwe, Serokê Weqfa Êtîman tekez kir ku temamkirina vê projeya xêrxwaziyê ya mezin tenê bi piştgiriya xêrxwazan mimkun e û ev bang kir:

"Ev kompleks ne tenê projeyek e ku ji avahiyan pêk tê. Li vir, pêşeroj, perwerde, tenduristî û hêviyên zarokên bêbav têne avakirin. Her beşdariyek ew ê kenekê bîne ser rûyê zarokekî û destpêkek nû ji bo jiyana bêbavekî. Em bang li hemû xwişk û birayên xwe yên xêrxwaz dikin ku piştgiriyê bidin vê karwana xêrxwaziyê." (ÎLKHA)