Ji ber şewatên ku li navçeya Geyveya Seqeryayê derket du gund hatin valakirin. Li Bîlecûk û Ûşakê jî şewat derketin û piranîya şewatê hatin binkontrolkirin lê hêna jî li herêmê xebatên sarkirinê berdewam dikin.

Şewata ku li derdorê gundê Taşoluk û Hacilara navçeya Geyveya Seqeryayê derket bi tesîra bayê belavê herêmeke mezin bû. Ji ber ku agir hat nêzê gund herdu gund jî hatin valakirin. Hat îfadekirin ku li gundê Taşolukê hinek xanî şewitîne jî.

Hat destnîşankirin ku di şewatê de 5 balafir û 8 helîkopter midexele kirine, piştî ku êvar bû ekîban ji bejahîyê xebatên xwe berdewam kirin. Bi tevî ronahîya serê sibehê wesayîtên hewayê ji nû ve dest bi kar kirin.

Li navçeya Pazaryerîya Bîlecûkê jî di nav erdekî çandinîyê de şewatek derket û belavê daristanê bû. Şewata ku derket bi midexeleya ekîban hat vemirandin. Bi tesîra bayê şewat belavê nêzê sînora navçeya Osmanelîyê bû û gundî tedbîrên xwe girtin, di encamê de gundekî jî hat valakirin.

Li Ûşakê jî şewata daristanê çêbû û ji şewatê de hem ji alîyê bejahîyê hem jî ji alîyê hewayê ve midexeleyeke mezin hat kirin. Di encama şewatê de nêzê 30 hektar erd zerarê dît. (ÎLKHA)