Hêzên Çekdar ên Yemenê ragihandin ku wan bi du balafirên bêmirov êrîşek li ser Balafirgeha Lod a li herêma Ceffa ya îşxalkirî pêk anîne û operasyon serkeftî bûye.

Hêzên Çekdar ên Yemenê ragihandin ku wan wekî bersivek ji bo qirkirina li Xezzeyê operasyoneke bêmirov li dijî Balafirgeha Lodê ya ku li axa ku ji teref rejîma sîyonîst ve hatiye îşxalkirin pêk anîne. Li gorî daxuyaniyê, operasyona ku bi du balafirên bêmirov ên cureya "Yaffa" hatiye kirin, bi serkeftî li hedefa xwe xistiye.

Di daxuyaniya artêşa Yemenê de ev tişt hatin diyarkirin:

"Ev operasyon ji bo piştgiriya gelê Filistînî yê bindest û mucahîdên wan û wekî bersivek ji bo sûcê qirkirinê yê ku ji hêla sîyonîstê dijmin ve li Xezzeyê hatiye kirin, hat kirin."

Di daxuyaniyê de tekez li ser vê yekê hat kirin ku di êvara roja eydê de, dema ku bi mîlyonan hecî berê xwe didin Xwedê û ji bo roja Weqfê amadekariyê dikin, xwîna bêguneh li Xezzeyê berdewam dike, lê piraniya ummeta Îslamî bêdeng û bêçalak dimîne.”

Hêzên Çekdar ên Yemenê ragihandin ku operasyonên ewakî wê bidomin û dûre weha berdewam kir:

"Yemen, bi destûra Xwedê, dê mesûlîyeta xwe yê dînî, exlaqî û mirovî li hember gelê Filistînî yê bindest bi cih bîne. Divê hemû welat û gelên Îslamî jî vê mesulîyetê bigirin ser xwe û ji bêxemiyê, teslîmbûnê û hevkarîyê dûr bisekinin. Helwesta ummetê ku xwedî hêz û îmkan e lê bêdeng dimîne, li ber çavên Xwedê nayê qebûlkirin."

Di dawiyê daxuyanî de van gotinan hatin gotin: "Heta ku êrîşên li ser Xezzeyê neyên rawestandin û dorpêç neyê rakirin, operasyonên me dê berdewam bikin." (ÎLKHA)