Parlamenterê Entabê yê HUDA PARê Şahzade Demîr, destnîşan kir ku banga boykotê ya CHPê yên li dijî markayên netewî gelek zelal û bi manîdar e.

Demîr, li ser hîsaba xwe ya medyaya civakî daxuyanîyek da, wî bal kişand ku ev banga ku CHPê kirîye, îspat dike ku ew tu dem netewî nebûye.

Demîr, bal kişand ku bangên ji bo kolanan, çalakîyên wandaltî û şîddet  di nav de hene ew ê çi ji CHPê re çi jî ji welat re tiştekî nede qezenckirin, “Banga CHPê ya ji bo boykotkirina mal û markayên netewî zelal û manîdar e. Ev banga CHPê ku îddîa dike ew partîya damezrînerê Komarîyê ye, bi zelalî îspat dike ku bi rastî ew ne netewî ye. Divê mirov baş bizanibe û rewşê baş bixwîne ku kî bi kî re ye. Ev partîya stotukoker a ku boykotên ji malên sîyonîstan re dihatin kirin hezm nekirîye, bi tevî vê banga boykota ku ji malên netewî re bêne kirin dibe ku heyfa boykota ji malên îsraîlê re dihatin kirin distîne. Dibe ku hemû kes ji pêvajoya hiqûqî ya ku Şaredarîya Stenbolê re tê kirin re bertek nîşan bide. Lê divê van bertekan jî li gorî hiqûqê be. Bangên boykotê yên li dijî mal û markayên netewî, çalakîyên kolanan a ku bi wandalî û şîddetî têne kirin çi ji CHPê re wê çi jî ji welatê re tu tiştekî nede qezenckirin. Bileqs, ew ê ji herkesan re bide windakirin. Herî zêde jî ew ê CHPê winda bike.” (ÎLKHA)